Vohid Abdullayev

Vohid Abdullayev
Tavalludi	15-may 1912-yil Samarqand
Vafoti	30-iyul 1985-yil(1985-07-30) (73 yoshda) Samarqand
Fuqaroligi	SSSR
Sohasi	adabiyot
Ish joylari	Samarqand davlat universiteti
Taʼlimi	Fargʻona pedagogika instituti
Mashhur ishlari	oʻzbek adabiyoti va tojik klassiklari Hofiz va Jomiy, turkman shoiri Maxtumquli, ozarbayjon shoirlari Fuzuliy va Andalib, shuningdek, M. Gorkiy, V. Mayakovskiy va Sobit Mukanov asarlari tadqiqotchisi.
Mukofotlari

Vohid Abdullayevich Abdullayev (1912-yil 15-may, Samarqand, Samarqand viloyati, Turkiston general-gubernatorligi, Rossiya imperiyasi – 1985-yil 30-iyul, Samarqand, Samarqand viloyati, Oʻzbekiston SSR) – taniqli oʻzbek olimi, adabiyotshunos, navoiyshunos, Oʻzbekiston Fanlar akademiyasi akademigi (1966), Oʻzbekistonda xizmat koʻrsatgan fan arbobi (1973), filologiya fanlari doktori (1959), professor (1960).

Tarjimayi holi

Vohid Abdullayev 1912-yil 15-mayda Samarqand shahrida dehqon oilasida tavallud topgan.

1932-yil Fargʻona pedagogika institutini bitirgan. Abdullayev 1935—1943-yillarda Buxoro va Samarqand pedagogika institutlarining, 1944—1969-yillarda Alisher Navoiy nomidagi Samarqand universiteti oʻzbek adabiyoti kafedrasining mudiri, 1963-yildan shu universitet rektori. 1930-yildan sheʼrlar, ilmiy maqolalar yoza boshlagan. „Samarqand sayli“ (1970) sheʼriy kitobi nashr etilgan. „Navoiy Samarqandda“ (1948), „Nishotiy va uning „Husni Dil“ dostoni“, „Xoksor va uning „Muntaxab ul-lugʻot“ kitobi“ (1955), „Nishotiy va Xoksor“ (1960), „Oʻzbek adabiyoti tarixi“ (1964), „Saylanma“ (1982) kabi kitoblari oʻzbek adabiyoti va adabiyotshunosligi masalalariga bagʻishlangan. Abdullayevning oliy oʻquv yurtlari uchun „Oʻzbek adabiyoti tarixi“ darsligida XVII-XVIII asrlardagi oʻzbek adabiyoti tarixi tadqiq etilgan.