Vladimir Sheglov
Vladimir Petrovich Sheglov (1904-yil 15-iyun, Kazinka, Orlov guberniyasi — 1985-yil 23-yanvar, Toshkent) — sovet va o‘zbek astronomi, pedagog va fan ommalashtiruvchi, astrometriya va astronomiya tarixi sohasidagi mutaxassis sanaladi.
Biografiyasi
[tahrir | manbasini tahrirlash]Sheglov 1924-yilda Moskva yersozlik texnikumini, 1930-yilda — Moskva geodeziya institutining astronomik-geodeziya fakultetini tamomlaydi.
U 1924—1926-yillarda Oliy geodeziya boshqarmasining Volga dala okrugida, 1930—1933-yillarda O‘rta Osiyo geodeziya boshqarmasida astrobazik partiya boshlig‘i va hisoblash byurosi boshlig‘i lavozimlarida ishlaydi[1] .
Vladimir Sheglov 1933-yildan Toshkent rasadxonasida (1941-yildan esa rasadxona direktori sifatida) faoliyat yuritadi. U 1966-yilda Toshkent rasadxonasi negizida Oʻzbekiston SSR Fanlar akademiyasi Astronomiya instituti bunyod etilib, Sheglov 1966-1983 yillarda mazkur institut direktori bo‘ladi.
U 1948-1970 yillarda O'rta Osiyo universiteti professori, 1966- yilda Oʻzbekiston SSR Fanlar akademiyasining akademigi, 1974- yildan esa Oʻzbekiston SSR Fanlar akademiyasi Fizika-matematika fanlari boʻlimi akademigi kotibi etib tayinlanadi.
V.P.Sheglov — Butunittifoq astronomiya-geodeziya jamiyati O‘zbekiston bo‘limi tashkilotchilaridan biri va birinchi raisi (1955-1976-yillarda) bo‘ladi.
U O‘zbekiston SSRda xizmat ko‘rsatgan fan arbobi (1964-yilda) unvonini oladi.
Vladimiir Sheglovning asosiy ilmiy ishlari astrometriya va astronomiya tarixi sohasida edi. “Geveliyaning yulduzli osmon atlasi”ni nashr etish loyihasi bo‘yicha faol ishtirokchisi bo‘lib, SSSRda u to‘rtta tilda: o‘zbek, rus va ingliz tillarida, to‘rtinchisi, Yaponiyada yapon tilida chop etiladi.
Oilasi
- Rafiqasi – Sheglova Olga Mixaylovna, gidrograf, Toshkent universiteti dosenti.
- O‘g‘li - Pyotr Vladimirovich Sheglov, astronom, Moskva davlat universiteti professori, P.K.Shternberg nomidagi Davlat astronomiya instituti bosh ilmiy xodimi.
Nashr etilgan ilmiy ishlari
[tahrir | manbasini tahrirlash]• V.P.Sheglov — Dmitriy Danilovich Gedeonov // Astronomiya jurnali — 1951-yil — T. 28. — 6-son.
• V.P.Shcheglov — O‘zSSR Fanlar akademiyasi Toshkent Astronomiya rasadxonasi tarixi // Tr. / SSSR Fanlar akademiyasining Tabiatshunoslik va texnologiya tarixi instituti. — 1955. — T. 5.
Mukofotlar va e'tiroflari
[tahrir | manbasini tahrirlash]- Ikki Mehnat Qizil Bayroq ordeni
- Xalqlar do'stligi ordeni
- "Faxriy belgisi" ordeni
- S.I.Vavilov Butunittifoq "Bilim" jamiyati “Ilmiy bilimlarni targ‘ib qilishdagi ulkan hissasi uchun” stol medali.
- SSSR Fanlar akademiyasining F. A. Bredixin mukofoti (1981)
- Oʻzbekiston SSRda xizmat koʻrsatgan fan arbobi (1964)
- V.P.Sheglov sharafiga 1978-yilda N.S.Chernix tomonidan kashf etilgan Sheglov asteroidi (2377) (dastlab 1978-yil QT deb yuritilgan) nomi beriladi.
Manbalar
[tahrir | manbasini tahrirlash]- ↑ mediaflot. „Академик Владимир Щеглов - учёный-астроном и популяризатор научного знания. Обсуждение на LiveInternet - Российский Сервис Онлайн-Дневников“ (ru). www.liveinternet.ru. Qaraldi: 2019-yil 17-aprel.
Adabiyot
[tahrir | manbasini tahrirlash]- Развитие астрономии в СССР, Советская наука и техника за 50 лет. 1917-1967 / АН СССР. Отд-ние общей и прикл. физики. Ин-т истории естествознания и техники. М.: Наука, 1967.
- „Щеглов Владимир Петрович“, Астрономы: Биографический справочник, 1-е изд. 30000 экз, Киев: Наукова думка, 1977 — 301-302-bet.
- „Щеглов Владимир Петрович“, Астрономы: Биографический справочник, 2-е изд., перераб. и доп. 20000 экз, Киев: Наукова думка, 1986 — 384-385-bet.
Havolalar
[tahrir | manbasini tahrirlash]- Akademik Vladimir Shcheglov - astronom va ilmiy bilimlarni ommalashtiruvchi / "Mediaflot" kompaniyasining kundaligi
- Shcheglov Vladimir Petrovich (1904.15. IV - 1985.23. men) / Xotira yodgorligi
- Vladimir Petrovich Shcheglov (15.06.1904—23.01.1985) / Kosmik yodgorlik