Viborg

Vikipediya, ochiq ensiklopediya

Viborg — RF Leningrad viloyatidagi shahar. Fin qoʻltigʻi sohilidagi orol va yarim orollarda joylashgan. Saymen kanali yaqinidagi muhim dengiz porti, temir yoʻl tuguni. Aholisi 81 ming kishi (1999). 1293 yilda V.da shvedlar qalʼa kurgan, keyinchalik shu qalʼa atrofida shahar vujudga kelgan. 1721 y. Nishtadt sulh shartnomasiga muvofiq V.ni Rossiya egallagan. 1918—40 yillarda Finlyandiya (Viipuri deb atalgan) tarkibida. 1940 y. yana Rossiyaga qoʻshib olingan. V. atrofi dengiz boʻyi iklim kurorta. V.da elektr asboblari, baliq ovlash sanoati uskunalari, qurilish materiallari ishlab chiqariladi, oziq-ovqat va yengil sanoat korxonalari hamda tibbiy bilim yurti, oʻlkashunoslik muzeyi va b. muzeylar bor.

Adabiyotlar[tahrir | manbasini tahrirlash]

  • OʻzME. Birinchi jild. Toshkent, 2000-yil