Toshkent axborot texnologiyalari universitetining Samarqand filiali

Muhammad al-Xorazmiy nomidagi Toshkent axborot texnologiyalari universiteti Samarqand filiali (TATU Samarqand filiali)
Universitet asosiy binosi
Xalqaro nomi	Samarkhand branch of Tashkent University of Information Technologies
Asos solingan	2005-yil
Oʻquv yurti turi	Universitet
Rektori	Кarshiyev Zaynidin Abduvaliyevich
Talabalari	1718+
Bakalavriat	7 ta yoʻnalish
Magistratura	3 ta mutaxassislik
Doktorantura	4 ta
Fan doktorlari	41 ta
Professorlar	3 ta
Manzili	Samarqand shahar Ibn Sino koʻchasi 2 A uy
Vebsayti	</nowiki>[http://www.samtuit

Muhammad al-Xorazmiy nomidagi TATU Samarqand filiali Oʻzbekiston Respublikasi Prezidentining 2005 yil 2 iyundagi „Axborot texnologiyalari sohasida kadrlar tayyorlash tizimini takomillashtirish toʻgʻrisida“ PQ — 91 Qaroriga muvofiq tashkil etilgan. Hozirda Filial tasarrufida 3 ta oʻquv bino va talabalar turar joyi uchun 1 ta bino bor. Bugungi kunda filialda 1718 nafar kunduzgi va 514 nafar sirtgi taʼlim shalkida bakalavriatura va 58 nafar magistratura talabalari tahsil olmoqda. Professor — o‘qituvchilar tarkibi 106 nafar asosiy shtatda va 9 nafar o‘rindoshlik asosida faoliyat olib borayotgan ustozlardan iborat bo‘lib, ularning 3 nafari fan doktori professorlar va 41 nafari fan nomzodi dotsentlardir. Zamonaviy tarzda jihozlangan 18 ta maʼruza xonalari, 32 ta amaliy mashgʻulot xonalari, 16 ta kompyuter sinflari, 5 ta oʻquv laboratoriyalari, 1 ta lingafon xonasi, axborot — resurs markazi va sport zal talabalar xizmatida. Har 4 nafar talabaga 1 ta kompyuter toʻgʻri keladi.

Oʻquv ishlari:

Filial tarkibida 2 ta fakultet va 9 ta kafedra mavjud.

Fakultetlar:

• Kompyuter injiniring

• Telekommunikatsiya texnologiyalari va kasb taʼlimi

Kafedralar

1. Axborot texnologiyalari.
2. Kompyuter tizimlari.
3. Tabiiy fanlar.
4. Axborot taʼlim texnologiyalari.
5. Telekommunikatsiya injiniring.
6. Axborot xavfsizligi.
7. Gumanitar va ijtimoiy fanlar.
8. Tillar kafedrasi.
9. Dasturiy injiniring.

Bakalavriatura yo'nalishlari:

1. Axborot xavfsizligi (sohalar bo‘yicha)
2. Axborot-kommunikatsiya texnologiyalari sohasida kasb ta’limi
3. Kompyuter injiniringi: AT-Servis
4. Kompyuter injiniringi: multimedia texnologiyalari
5. Dasturiy injiniring
6. Kompyuter injiniringi: “Kompyuter injiniringi”
7. Pochta aloqasi texnologiyasi
8. Raqamli iqtisodiyot (tarmoqlar va sohalar bo‘yicha)
9. Telekommunikatsiya texnologiyalari (“Telekommunikatsiyalar”, "Teleradioeshittirish", "Mobil tizimlar")

Sirtqi yo'nalish:

1. Telekommunikatsiya texnologiyalari (“Telekommunikatsiyalar”, "Teleradioeshittirish", "Mobil tizimlar")
2. Kutubxona-axborot faoliyati (faoliyat turlari bo‘yicha)
3. Kompyuter injiniringi ("Kompyuter injiniringi", "AT-servis", "Axborot xavfsizligi", "Multimedia texnologiyalari")
4. Axborot-kommunikatsiya texnologiyalari sohasida kasb ta’limi

Universitet haqida:

Filialda barcha mashgʻulotlar zamonaviy pedagogik va axborot texnologiyalari asosida olib borilmoqda. Har bir fan boʻyicha zaruriy materiallar oʻquv uslubiy majmua sifatida shakllantirilib oʻquv jarayoniga xizmat qiluvchi texnik jihozlar yildan yilga boyitib borilmoqda. Hozirgi paytda filialda barcha darslar elektron taqdimotlar asosida multimediali vositalar yordamida oʻtilmoqda. Masofaviy elektron taʼlim usullari keng joriy qilingan boʻlib, pandemiya holatida (COVID-19) ushbu usullar keng qoʻl kelmoqda. 2020 yil davomida TATU Samarqand filialining mutaxassislik kafedralari tomonidan fanlar boʻyicha masofaviy darslar videokonferentsiya shaklida tashkillashtirilmoqda va filial talabalari ushbu darslarda toʻliq qatnashmoqdalar.

Internet texnologiyalar oʻquv jarayoniga keng koʻlamda tadbiq etilmoqda. Oʻquv jarayoni uchun ajratilgan kompyuterlarning hammasi internetga ulangan va ulanish tezligi zamonaviy meʼyorlarga mos keladi. Talabalar nafaqat auditoriya darslarida, balki mustaqil ish, kurs ishlari, bitiruv malakaviy ishlari va magistrlik dissertatsiyalarini bajarishda internet resurslaridan toʻliq foydalanmoqda.

Shunga yarasha talabalarning internet texnologiyalari boʻyicha saviyasi va ongi keskin oʻsdi. Hozirgi talabalarimizda filial endi tashkil boʻlgan vaqtlardagi talabalarga nisbatan katta ijobiy farq bor. Ilmiy darajali kadrlar tayyorlash. Filialda yuqori malakali ilmiy — pedagog kadrlar tayyorlash boʻyicha sezilarli yutuqlarga erishilgan. Jumladan, F.Axmedjanov doktorlik dissertatsiyasini, I.Boynazarov, N.Raximov, X.Primova, Sh. T.Xodjaev, S. T. Kubaev, Z. A. Qarshievlar nomzodlik dissertatsiyalarini himoya qildi.

Hozirgi vaqtda R.Indiaminov doktorlik dissertatsiyasini himoya qilish arafasida, bir qator oʻqituvchilarning doktorlik dissertatsiyasi mavzulari OAK jurnalida eʼlon qilindi va ular doktorlik dissertatsiyasini mustaqil — tadqiqotchi sifatida bajarmoqdalar.

Chet tilini oʻrganish:

Oʻquv rejaga binoan 1-, 2- va 3 — kurslarda barcha talabalar uchun chet tili (ingliz, nemis yoki fransuz tili) darslari, 4 — kurs talabalari uchun yesa amaliy ingliz tili darslari oʻtilmoqda. Har yili 3 — 4 nafar talaba oʻzinig bitiruv malakaviy ishini ingliz tilida yozib himoya qilmoqda. Ingliz tili bilan faol shugʻullanadigan talabalar filial ochilgan yillarda 3 — 5% ni tashkil qilgan boʻlsa, hozir bu koʻrsatkich 40 — 45% dan kam emas.

Rektor

• Кarshiyev Zaynidin Abduvaliyevich

Galereya

• 
• 

Havolalar

• Universitet sahifasi
• TATU Samarqand filiali rasmiy kanali Telegramda