Toʻrabek Osmanov
| Toʻrabek Osmanov | |
|---|---|
| qozoqcha: Төребек Османов | |
| Tavalludi |
3-may, 1893-yil |
| Vafoti | 4-oktyabr, 1937-yil (44 yoshda) |
| Turmush oʻrtogʻi | Osmanova Fotima |
| Bolalari | Aytgul, Laura, Zamira |
Toʻrabek Osmanov (1983-yil 3-may, Sirdaryo viloyati, Rossiya imperiyasi – 1937-yil 4-oktyabr) – bankir, SSSR davlat bankining Qozogʻistondagi boshqarmasi boshligʻi oʻrinbosari, 1937-yilgi siyosiy qatagʻon qurboni[1].
Biografiyasi[tahrir | manbasini tahrirlash]
Toʻrabek Osmanov 1983-yil 3-may kuni Rossiya imperiyasiga qarashli boʻlgan Sirdaryo viloyatida tugʻilgan. Uning otasi dehqon va chorvador edi. Oʻzi tugʻilib oʻsgan qishlogʻidagi rus maktabini 1906-yilda bitirgan. U 1910-yil Toshkent oʻqituvchilar seminariyasiga qabul qilinadi. Seminariyani tamomlaganidan soʻng, boshlangʻich taʼlim oʻqituvchisi mutaxassisligini oladi. 1916-yilda Toshkent okrugidagi maktablardan birida oʻqituvchi boʻlib ishlaydi. U shu bilan birgalikda, maktabining moliyaviy ishlari bilan ham shugʻullangan. Toʻrabek Osmanov 1917-yil SSSR Davlat bankining Toshkent idorasida buxgalter yordamchisi boʻlib ishlagan. U 1920-yildan 1921-yilgacha Oqmachit xalq komissarligida hisobchi, 1921-1922-yillarda Toshkent isteʼmolchilar kooperatsiyasi rahbari sifatida ishlagan. U 1922-yilda Qiziloʻrda ijroiya qoʻmitasi raisi lavozimiga tayinlangan. Toʻrabek Osmanov 1925-yil Sovet Ittifoqi Kommunistik partiyasi aʼzoligiga qabul qilingan. U 1925-yil oʻrtalarida Qiziloʻrda sanoat bankiga rahbarlik qilgan. 1926-yil oktyabr oyida esa, Qozogʻiston SSR qishloq xoʻjaligi birlashmasi raisi lavozimiga tayinlandi va shu bilan birga Qiziloʻrda sanoat bankida ham faoliyatini davom ettirdi. Toʻrabek Osmanov 1927-yilda SSSR Davlat bankining Qozogʻistondagi boshqarmasi boshligʻi lavozimida ishladi[2]. 1928-yilda u Qozogʻiston agrar bankiga boshqaruvchi sifatida ishlaydi. Uning bevosita taklifi va tashabbusi bilan Olmaota iqtisodiyot texnikumi tashkil qilindi.
Toʻrabek Osmanov 1937-yil 4-oktyabrda vafot etadi.
Xotirasi[tahrir | manbasini tahrirlash]
- Qiziloʻrda viloyatining markazida koʻchalarning biriga Toʻrabek Osmanov nomi berilgan.
- Rejissor Beybet Xusanbekov Toʻrabek Osmanov hayotiga bagʻishlab, hujjatlli filmni suratga olgan.
Manbalar[tahrir | manbasini tahrirlash]
- ↑ „Османов, Тюрябек“. Qaraldi: 13-sentabr 2023-yil.
- ↑ „Архивные источники из истории банковского дела в Центральной Азии, ХХ век“. Qaraldi: 13-sentabr 2023-yil.