Storm laylagi

Vikipediya, ochiq ensiklopediya
Navigatsiya qismiga oʻtish Qidirish qismiga oʻtish
Storm laylagi
Ilmiy tasniflashUshbu tasnifni tahrirlash
Olam: Eukariotlar
Tip: Xordalilar
Sinf: Qushlar
Turkum: Laylakdoshlar
Oila: Laylaklar
Turlari: Malay jun boʻyinli laylagi
Xalqaro ilmiy nomi
Ciconia stormi (W. Blasius, 1896)

Storm laylagi, Malay jun boʻyinli laylagi[1] (lotincha: Ciconia stormi) — laylaklar oilasiga mansub noyob qush. U barcha laylaklarning eng kam uchraydigan turi hisoblanadi[2] va uning geografik diapazoni boʻylab soni 500 dan kam miqdorda borligi taxmin qilinadi[3]. Bu tur uzoq vaqtdan beri kamayib bormoqda va bunga asosiy sabab uning yashash hududidagi o'rmonlarning kesilishi deb hisoblanadi.

Bu laylak turi birinchi marta 1896-yilda Blasius tomonidan tasvirlangan va Gʻarbiy Hindistondagi zoologik namunalarni yigʻuvchi nemis dengiz kapitani Gyugo Storm nomi bilan atalgan[4]. U Tailandda „nok kra su um“ nomi bilan mashhur boʻlib, bu zich oʻrmondagi daryo qirgʻogʻida qushlarning baliq ovlash tartibini bildiradi[5].

Tavsif[tahrir | manbasini tahrirlash]

Qushning uzunligi 75 dan 91 sm gacha. Patlari oq-qora, tumshugʻi qizil. Yuz terisi tuksiz toʻq sariq rangga ega, koʻz atrofida sariq doiralar mavjud. Yosh va katta yoshli qushlarning naslchilik mavsumidan tashqaridagi patlari ancha oddiy.

Tarqalish[tahrir | manbasini tahrirlash]

Bu laylak Borneo, Sumatra, Tailand janubidagi Mentavay orollari, gʻarbiy Malayziya va Bruneyda keng tarqalgan. U pasttekislik oʻrmonlar, inson qadami yetmagan chuchuk suv biotoplarida, shuningdek daryolar va suv toshqini tekisliklarida yashaydi.

Xulq-atvor[tahrir | manbasini tahrirlash]

Laylak yolgʻiz hayot tarzini olib boradi, ba'zida kichik guruhlarda uchraydi. U asosan baliqlar, amfibiyalar, mayda sudraluvchilar va hasharotlar bilan oziqlanadi. Ularning koʻpayish biologiyasi kam oʻrganilgan. Qush uyalarini daraxtlardagi shoxlardan quradi. Uyalarining diametri 0,5 metr, balandligi taxminan 15 sm. Laylaklar 2 ta tuxum qoʻyadi. Yosh qushlarning oq tukli patlari bor, ular 45 kundan keyin uchadi.

Fotosurat[tahrir | manbasini tahrirlash]

Manbalar[tahrir | manbasini tahrirlash]

  1. Винокуров А. А. Редкие и исчезающие животные. Птицы : Справ. пособие / под ред. В. Е. Соколова. — М. : Высшая школа, 1992. — С. 101. — 446 с. : ил. — 100 000 экз. — ISBN 5-06-002116-5.
  2. Hancock JA, Kuschlan JA, Kahl, MP. 1992. Storks, Ibises and Spoonbills of the World. Academic Press.
  3. "Ciconia stormi". IUCN Red List of Threatened Species. 2017: e.T22697685A110066434. doi:10.2305/IUCN.UK.2017-1.RLTS.T22697685A110066434.en. Retrieved 12 November 2021.
  4. Boelens B, Watkins M, Grayson M. 2014. The Eponym Dictionary of Birds. Bloomsbury, UK.
  5. Nakhasathien, S (1987). "The discovery of Storm's stork Ciconia stormi in Thailand". Forktail. 3: 43–49.

Havolalar[tahrir | manbasini tahrirlash]

Adabiyotlar[tahrir | manbasini tahrirlash]

  • Josep del Hoyo et al.: Handbook of the Birds of the World, Band 1 (Ostrich to Ducks). Lynx Edicions, 1992, ISBN 84-87334-10-5

Videolar[tahrir | manbasini tahrirlash]