Son Sin Seb
| Son Sin Seb | |
|---|---|
| Tavalludi |
1-iyun 1922-yil Yosan tumani, Janubiy Chungcheong viloyati, Koreya |
| Vafoti |
27-fevral 2014-yil (91 yoshda) Nikolaev viloyati, Ukraina |
| Fuqaroligi | SSSR |
| Mukofotlari |
   |
Son Sin Seb (1922-yil 1-iyun, Yosan okrugi, Janubiy Chungcheon viloyati, Koreya – 2014-yil 27-fevral, Nikolayev viloyati, Ukraina[1]) – Oʻzbekiston SSR, Toshkent viloyati, Quyi Chirchiq tumanidagi Mikoyan nomidagi kolxoz aʼzosi. Sotsialistik Mehnat Qahramoni (1951)[2][3].
Hayoti[tahrir | manbasini tahrirlash]
Son Sin Seb 1922-yil 1-iyunda Koreyaning Janubiy Chungcheong provinsiyasidagi Yosan okrugida oddiy dehqon oilasida tugʻilgan (Sovet hujjatlarida tugʻilgan joyi Uzoq Sharq Respublikasi Primorsk viloyati, Nikolsk-Ussuriysk okrugining Xankay volosti). 1931-yilda ota-onasi bilan Uzoq Sharqqa koʻchib oʻtgan. U mehnat faoliyatini 12 yoshliligida boshlagan. Turli sohalarda ishlab koʻrgan.
Son Sin Seb 1937-yilda O‘zbekiston SSRning Toshkent viloyatidagi maxsus posyolkaga surgun qilingan. 1939-yilda Quyi Chirchiq tumanidagi Molotov nomidagi 7-sonli oʻrta maktabning 9-sinfini tamomlagan. 1940-yildan Oʻrta Chirchiq tumanidagi „Shimoliy mayoq“ kolxozida oddiy kolxozchi boʻlib ishlagan. 1950–1982-yillarda esa Quyi Chirchiq tumanida joylashgan Mikoyan nomidagi kolxozda oddiy kolxozchi, dala brigadasida agronomi, baliqchi hamda kolxoz rahbari boʻlib ishlagan.
1950-yilda Son Sin Seb boshchiligidagi jamoa 6,3 gektar maydonning har gektaridan oʻrtacha 99,7 sentnerdan yashil kanop poyasi yigʻib olgan. SSSR Oliy Kengashi Prezidiumining 1951-yil 22-maydagi farmoni bilan unga Lenin ordeni, „Oʻroq va Bolgʻa“ oltin medali hamda Sotsialistik Mehnat Qahramoni unvoni berilgan.
Son Sin Seb kasaba uyushma ahamiyatiga ega nafaqaxoʻr hisoblangan. 2005-yilda Ukrainaga koʻchib oʻtgan va umrining soʻnggi yillarida Nikolayevda yashagan. U 2014-yil 27-fevralda vafot etgan hamda Nikolayev viloyati, Vitovskiy tumani, Galitsinovo qishlogʻidagi qabristonga dafn qilingan.
Mukofotlari[tahrir | manbasini tahrirlash]
- Sotsialistik Mehnat Qahramoni unvoni
- Ikki marta Lenin ordeni (1951, 1953)
- Mehnat Qizil Bayroq ordeni (1948)
- „Shavkatli mehnat uchun“ medali (1949)
- „1941–1945-yillardagi Ulugʻ Vatan urushidagi jasoratli mehnati uchun“ medali
Adabiyotlar[tahrir | manbasini tahrirlash]
- Шин Д. В., Советские корейцы Герои Социалистического труда, Алматы: Service Press, 2019
- З. В., Пан Н. Г. Герои Социалистического Труда — казахстанцы, Алма-Ата, 1969—1985, тт. 1-5
- Мен Д. В., Квон Л. А., Ким, Советские корейцы Казахстана, Алматы, 1992
- Ким П. Г., Корейцы Республики Узбекистан, Ташкент: Узбекистон. 1993
- Кан Г. В., История корейцев Казахстана, Алматы: Гылым, 1995
- Ким Г. Н., Мен Д. В., История и культура корейцев Казахстана, Алматы: Гылым, 1995
- Ким Б. И., Корейцы Узбекистана. Кто есть кто, Ташкент, 1999
Manbalar[tahrir | manbasini tahrirlash]
- ↑ „Дмитрий Шин в Новой жизни и Солдатском“. www.koryo-saram.site. Qaraldi: 23-noyabr 2023-yil.
- ↑ „Герой Социалистического Труда Сон Сын-Себ“. www.warheroes.ru. Qaraldi: 23-noyabr 2023-yil.
- ↑
Герман Ким (ВЭКС) Герой Социалистического труда Сон Сын Себ YouTubeda
