Sitor
Sitor (hind: سه تار / ستار) — Hindiston va Pokistonda: torli-tirnama musiqa cholgʻu asbobi[1]. Dehli sultonligi davri (13–14-asrlar)dan Shimoliy Hindistonda tarqalgan. Keng va uzun dastasiga siljuvchi pardalar (19 dan 23 gacha) oʻrnatilgan. Unga 7 asosiy va yon quloqlariga 13 aks sado beruvchi simlar tortiladi. Kovoqdan qilingan asosiy kosasining usti yupqa taxta bilan qoplangan boʻlib, qoʻshimcha kosachasi ham boʻladi. Nolalarga boy ovozi, jarangdorligi, virtuozlik imkoniyatlari kengligi tufayli hind mumtoz musiqa (raga) ansambllarida sitordan asosiy cholgʻu sifatida foydalaniladi. Sitorni takomillashtirgan va uning ilk mohir ijrochisi Xusrav Dehlaviy hisoblanadi. 20-asrda sitor ijrochilaridan Gʻulom Muhammad Xon, Barkat Ali, Ollouddin Xon, Ravi Shankar va boshqalar mashhur[2].
Manba[tahrir | manbasini tahrirlash]
- ↑ O‘zbek tilining izohli lug‘ati. Toshkent: G‘afur G‘ulom nomidagi nashriyot-matbaa ijodiy uyi, 2023 — 964 bet. ISBN 978-9943-8834-4-4.
- ↑ Oʻzbekiston milliy ensiklopediyasi. Toshkent: "O‘zbekiston milliy ensiklopediyasi" Davlat ilmiy nashriyoti.
|
Bu maqolada boshqa til boʻlimlariga ishorat yoʻq. Siz ularni topib va ushbu maqolaga qoʻshib, loyihaga yordam berishingiz mumkin. |
 | Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |