Shuhrat Ergashev

Vikipediya, ochiq ensiklopediya
Shuhrat Ergashev
Tavalludi 19-may 1945-yil
Vafoti 17-sentabr 2021-yil(2021-09-17)
(76 yoshda)
Moskva
Fuqaroligi SSSR va Oʻzbekiston
Mukofotlari Oʻzbekiston xalq artisti (medali).jpg

Shuhrat Ibrohimovich Ergashev — kinoaktyor. Oʻzbekiston xalq artisti (1989). Toshkent teatr va rassomlik sanʼati institutini tugatgan (1968). 1968–70 yillar M.Gorkiy nomidagi rus akademik drama teatrida ishlagan. 1970–95 yillar "Oʻzbekfilm" kinostudiyasida aktyor. Ijobiy va salbiy rollarni bir xil mahorat bilan oʻynagan. Ergashev oʻz qahramonlarining qaygʻualamlari, ularning ichki tugʻyoni, raqibga qarshi kurashdagi psixologik kechinmalarini yetkazishda oʻziga xos ijro uslubi bilan ajralib turadi. "Nafosat" (rej. E. Eshmuhamedov) filmidagi Shuhrat roli ekranda yaratgan ilk obrazidir. Shuhrat ("Sevishganlar"), Mauzer ("Qoʻmondonning qaytishi"), Anvar ("41 yil olmalari"), Ubaydulla ("Qora konsulning halokati"), Talaba ("Integral"), Sherzod ("Semurgʻ"), Aziz ("Seni kutamiz yigit"), Abdurahmon ("Zulmatni tark etib"), Temur ("Uchar yigit") kabi rollari bilan shuhrat qozongan.[1]

Manbalar[tahrir | manbasini tahrirlash]

  1. OʻzME. Birinchi jild. Toshkent, 2000-yil