Sena Kan
| Sena Kan | |
|---|---|
| Shaxsiy maʼlumotlari | |
| Jinsi | ayol |
| Tavallud sanasi |
2001.11.10 Bursa viloyati, Turkiya |
| Sport | |
| Mamlakat | Turk |
| Qaysi sport | Otish |
| Klubi | Bilgin merganlik Klubi |
Sena Kan (2001-yil 10-noyabrda tug‘ilgan) — turkiyalik mergan, sportchi. U ko‘plab milliy rekordlar muallifi bo‘lib, 2024-yilgi yozgi Olimpiya o‘yinlarida ishtirok etish imkoniyatini qo‘lga kiritgan[1].
Sportdagi faoliyati
[tahrir | manbasini tahrirlash]Sena Kan sportdagi faoliyatini 2016-yilda boshlagan. Unga bu yo‘lda otasi katta yordam ko‘rsatgan. Dastlab, u Osmangazi shahridagi Osmangazi Belediye Sport Klubiga a’zo bo‘lib, bu yerda birinchi o‘q otish mashg‘ulotlarini boshlagan. Murabbiyi Ali Rıza Bilgin qo‘l ostida u o‘z mahoratini oshirib, Konya shahridagi Bilgin Shooting Clubga qabul qilingan. U Respublika Kubogi va Federatsiya Kubogi kabi nufuzli musobaqalarda ishtirok etib, bir necha marta medal sohibi bo‘lgan[2]. 2019-yilda Konya shahrida bo‘lib o‘tgan Respublika Kubogida u ayollar toifasida 114 ball bilan yangi milliy rekord o‘rnatib, oltin medalni qo‘lga kiritgan. Shu yili u Turkiya chempioni unvoniga sazovor bo‘lib, milliy o‘q otish terma jamoasiga kiritilgan. Sena Kan Italiyada o‘tkazilgan Jahon Shotgun Chempionatida yoshlar o‘rtasidagi musobaqada ishtirok etgan va Germaniyada bo‘lib o‘tgan ISSF Yoshlar Jahon Kubogida ham qatnashgan. 2022-yilda Jazoirda bo‘lib o‘tgan O‘rta Yer dengizi o‘yinlarida to‘qqizinchi o‘rinni egallagan bo‘lsa, 2021-yilda Turkiyada o‘tkazilgan Islom Hamkorlik O‘yinlarida oltin medalni qo‘lga kiritgan. 2023-yilda Boku, Ozarbayjonda bo‘lib o‘tgan Jahon O‘q Otish Chempionatida u 121 ta nishon bilan yangi Turkiya rekordini o‘rnatgan. Bu natija unga 2024-yilgi yozgi Olimpiya o‘yinlarida ishtirok etish imkonini bergan. U shuningdek, Polshaning Vroklav shahrida o‘tkazilgan Yevropa o‘yinlarida individual va jamoa musobaqalarida ishtirok etgan, ammo u yerda sezilarli yutuqlarga erisha olmagan[3].
Shaxsiy hayoti
[tahrir | manbasini tahrirlash]Sena Kan 2001-yil 10-noyabrda Bursa viloyatidagi Osmangazi shahrida dunyoga kelgan. U yoshlikdan sportga qiziqqan va ota-onasining qo‘llab-quvvatlashi bilan o‘zining sevimli sport turi — o‘q otish bilan shug‘ullanishni boshlagan.
Manbalar
[tahrir | manbasini tahrirlash]- ↑ Dereağzı, Havva (9 February 2020). "Avcı babanın şampiyon atıcı kızı". Anadolu News Agency (in Turkish). Retrieved 3 April 2024.
- ↑ "Sena Can rekorla zirve e". Olay (in Turkish). 2 November 2019. Retrieved 3 April 2024.
- ↑ "Osmangazili atıcı Dünya Şampiyonası'nda". SonDakika (in Turkish). 1 July 2019. Retrieved 3 April 2024.