Rashit Sulaymonov
Rashit Sulaymonov — (1950-yil 5-iyulda tavallud topgan) Oʻzbekistonlik haykaltarosh. Moskva tasviriy sanʼat bilim yurti, Olmaota tasviriy sanʼat kolleji va Toshkent tasviriy sanʼat institutida tamomlagan[1].
O‘zbekiston Badiiy akademiyasining aʼzosi. 2012-yil Oscar Kokoschka mukofoti sovrindori. Oʻzbekistondagi koʻplab obidalar, jumladan, Rashit Sulaymonov Andijonda oʻrnatilgan Boburning birinchi yodgorligi muallifi. Bu haykal Sovet davrida hokimiyat mintaqaviy oʻzlikni ifodalovchi asarlarni bostirishga uringanida oʻziga xos bahs-munozaralarga ega boʻlgan.
Rashit Sulaymonovning asarlari Rossiya, Turkiya, Germaniya, Britaniya va boshqa mamlakatlardagi ko‘plab muzeylarda shaxsiy kolleksiyalaridan joy olgan. Rashit bronza va misdan tortib tosh, yogʻoch va loygacha boʻlgan materiallaridan mohironalik bilan turli haykallar yaratadi[2].
Mukofotlar[tahrir | manbasini tahrirlash]
Xalqaro Bobur jamg‘armasi laureati, 2001-yil. 2012-yil sentyabr oyida Avstriyaning Pochlarn shahrida boʻlib oʻtgan „Atelier an Der Donau“ simpoziumida qatnashgan Rashit Oscar Kokoschka mukofoti sovrindori[3] .
Sanʼat asarlari va koʻrgazmalar[tahrir | manbasini tahrirlash]
2009-yil iyul oyida Rashit AQShning Toshkentdagi elchixonasiga 2005-yilda Nyu-Orleanda Katrina toʻfonida halok boʻlganlar xotirasiga bagʻishlangan haykalchasini sovgʻa qilgan[4] [5]. 2007-yilda Rashit Germaniyaning Trierda shaxsiy koʻrgazmasini oʻtkazadi. 2002—2005- yillarda Rashit Moskvada Fanlar akademiyasining bir guruh paleontologlari bilan mamont faunasini tiklash loyihasida ishlagan. Rashit Sulaymonovning muzlik davri faunasidan ilhomlangan baʼzi asarlari Moskvadagi Timirayzev muzeyida namoyish etilgan. Andijon viloyati Asaka tumaniga kiraverishda ikkinchi jahon urushining 26 nafar uchuvchi-qahramoni yodgorligi shuningdek „O‘zbekiston gavhari“ „Shoirlar xiyoboni“ „Ot“ kabi asarlari bugungi kunda xalqimizning madaniy meroslaridan biri hisoblanadi[6].
Rashit Sulaymonov yirik jamoat obidalari bilan cheklanib qolmay, tashkilotlar va xususiy mijozlar uchun koʻproq bezak ishlari olib boridi. Rashit Sulaymonovning asarlari Toshkentdagi Intercontinental mehmonxonasi foyesini va Xalqaro ishlar vazirligini bezab turibdi.
Rashit Sulaymonovning asarlari keng uslubiy va tematik diapazonni oʻz ichiga olgan. Bronza, guruch, marmar, granit, oniks, otashli loy va kulolchilik kabi turli xil materiallarda oʻz ijodiy asarlarini mahorat bilan ijro etilgan.
Havolalar[tahrir | manbasini tahrirlash]
Manbalar[tahrir | manbasini tahrirlash]
- ↑ „Art Gallery in WordPress - Sarah GabbottSarah Gabbott“. 2015-yil 22-fevralda asl nusxadan arxivlangan. Qaraldi: 2015-yil 2-may.
- ↑ http://rashitsuleymanovsculpture.ezweb123.com/#/bio/4538649121
- ↑ „International Art Symposium Atelier an der Donau, Poechlarn, Austria“. www.atelieranderdonau.at. 2016-yil 4-martda asl nusxadan arxivlangan.
- ↑ „Uzbek Artist Donates Sculpture Commemorating Victims of Hurricane Katrina (01/12/2010) - U.S. Embassy Tashkent, Uzbekistan“. 2010-yil 27-mayda asl nusxadan arxivlangan.
- ↑ http://www.linkapedia-visualarts.com/digest/rashit-suleymanov-online-references-cyclopaedia/24590603/ac5a5ecf6d8a9c94d5feabd1b4f75ef9 [sayt ishlamaydi]
- ↑ „Yolda“.