Qordagi ovchilar

Qordagi ovchilar
Qordagi ovchilar
Rassom	Katta Piter Bruegel
Yil	1565-yil
	117 sm × 162 sm (46 ichida ×

Qordagi ovchilar (niderlandcha: Jagers in de Sneeuw), Ovchilarning qaytishi nomi bilan ham mashhur. 1565-yilda Katta Pieter Bruegelning yogʻochga chizgan rasmidir. Shimoliy Uygʻonish davri rasmlari qatoridagi yilning turli vaqtlarini tasvirlaydigan beshtasi hanuzgacha saqlanib qolgan asarlardan biridir. Rasm Avstriyaning Vena shahridagi Sanʼat tarixi muzeyi kollektsiyasidan joy olgan.

Kompozitsiya

Kartinada uch ovchi itlari bilan ovdan qaytayotgan qish manzarasi tasvirlangan. Bir qaraganda, ov muvaffaqiyatli oʻtmagan; ovchilar horgʻinlik bilan zoʻrgʻa qadam bosishmoqda, itlar ham charchagan koʻrinadi. Ulardan biri oʻljaning kamligini koʻrsatadigan arzimas ovlangan tulkini koʻtarib turibdi. Qorda ovchilarning oldida quyonning izlari bor, balki, ular qochib ketgan yoki ovchilar tomonidan oʻtkazib yuborilgan. Umumiy vizual taassurot tinch, sovuq, bulutli kunlardan biridir; ranglar xira oq va kulrang. Daraxtlarning barglari toʻkilgan, oʻtinlarning tutuni havoda suzib yuribdi. Tashqaridagi oʻchoqda bir necha kattalar va bola ovqat tayyorlashmoqda. Belgiya yoki Gollandiyada mavjud boʻlmagan qirrali togʻ choʻqqilari qiziqish uygʻotadi.

Qargʻalarning qurigan daraxtlarida oʻtirgani va zagʻizgʻonning yuqorida uchib yurgani rasmda yaqqol koʻzga tashlanadi. Bruegel baʼzan qushlarning bu ikki turini yomon alomatni koʻrsatish uchun chizadi, chunki Gollandiya madaniyatida zagʻizgʻonlar Iblis bilan bogʻliq^[1].

Kartinada, shuningdek, orasidan daryo oʻtgan vodiy, narigi tomonida qirrali choʻqqilar tasvirlangan. Charxpalagi qotib qolgan suv tegirmoni koʻrinadi. Uzoqda odamlar muzlagan koʻlda konkida uchayotgani, koptokli xokkey va muzli oʻyinlar ^[2] oʻynayotgani tasvirlangan.

Sharh

1560-yillar Niderlandiyada diniy inqilob davri boʻlgan va Bruegel mamlakat hayoti qanday vaziyatda boʻlgani yoki ular qanday boʻlishini xohlayotgani haqidagi gʻoyani tasvirlashga urinayotgan boʻlishi mumkin.

„ Nature“ jurnalida sanʼatshunos Martin Kempning yozishicha, "Eski ustalar " Rojdestvo otkritkalari uchun mashhur mavzular ekanligi va "ehtimol, „dunyoviy“ mavzu Qordagi ovchilar dan koʻra mashhurroq emas . . " ligini taʼkidlaydi^[3].

Kartina modernist shoir Uilyam Karlos Uilyamsning „Qordagi ovchi“ ekfrastik sheʼrining mavzusidir^[4]. "Qordagi ovchilar" kartinasidan rossiyalik rejissyor Andrey Tarkovskiyning "Solaris" (1972) va "Koʻzgu" (1974) filmlarida hamda Lars fon Trierning 2011-yilda suratga olingan "Melanxoliya" film epizodlarida ham foydalanilgan. U Alen Tannerning „ Dans la vil blanche“ (1983) filmida ham uchraydi. 1980-yilda "100 buyuk kartinalar" teleserialining mavzusi boʻlgan.

Yilning oylari seriyasidagi kartinalari:

Qordagi ovchilar, Dekabr-Yanvar
Bulutli kun, Fevral–Mart
Bahor, 1565
Pichan o'rimi, Iyun–Iyul
Terimchilar, Aug–Sept
Podaning qaytishi, Oktabr–Noyabr

Manbalar

↑ Pieter Bruegel the Elder and Religion Kaschek: . Leiden and Boston: Brill, 2018 — 265-bet. ISBN 9789004367579. Qaraldi: 2021-yil 2-fevral.
↑ Wolf. „Pieter Bruegel - Meister der Beobachtung“ (de). Ober Österreich Nachrichten (2018-yil 20-oktyabr). Qaraldi: 2022-yil 24-oktyabr.
↑ Kemp, Martin (December 2008). „Looking at the face of the Earth“. Nature. 456-jild, № 18. 876-bet. Bibcode:2008Natur.456..876K. doi:10.1038/456876a.
↑ Williams. „The Hunter in the Snow“. Emory University. Qaraldi: 2018-yil 13-dekabr.

[1] Pieter Bruegel the Elder and Religion Kaschek: . Leiden and Boston: Brill, 2018 — 265-bet. ISBN 9789004367579. Qaraldi: 2021-yil 2-fevral.

[2] Wolf. „Pieter Bruegel - Meister der Beobachtung“ (de). Ober Österreich Nachrichten (2018-yil 20-oktyabr). Qaraldi: 2022-yil 24-oktyabr.

[kemp_2008-3] Kemp, Martin (December 2008). „Looking at the face of the Earth“. Nature. 456-jild, № 18. 876-bet. Bibcode:2008Natur.456..876K. doi:10.1038/456876a.

[4] Williams. „The Hunter in the Snow“. Emory University. Qaraldi: 2018-yil 13-dekabr.

[1]

[2]

[3]

[4]