Pamela Wyndham
Pamela Adelaida Genevieve Grey, Fallodonlik viskontessa Grey (tugʻilgan joyi — Wyndham; keyinchalik Pamela Tennant, baronessa Glenconner ismlari bilan tanilgan; 1871-yil 14-yanvar — 1928-yil 18-noyabr) ingliz yozuvchisi edi. U Birinchi baron Glenconner, keyinchalik Fallodonning birinchi Vikonti boʻlgan Edward Tennantning rafiqasi edi. U oʻz davrining madaniy va siyosiy hayotining markazida boʻlgan John Singer Sargentning Wyndham sisters asarida chizilgan qahramonlardan biridir. Ota-onalari singari, ular ham „The Souls“ guruhining aʼzolari edi.
Yoshlik davri[tahrir | manbasini tahrirlash]
Wyndham 1871-yil 14-yanvarda Angliyaning Salisbury shahri, Wiltshire okrugidagi Clouds House uyida tugʻilgan. U Percy Wyndham (1835-1911) va Madeline Caroline Frences Eden Campbellning qizi edi. Uning onasi ser Guy Campbell va uning rafiqasi Pamela FitzGerald (Lord Edward FitzGerald va Pamela Symsning qizi) ning farzandi edi. Uning otasi 1-baron Leconfield George Wyndhamning oʻgʻli va uning rafiqasi Mary Fanny Blunt, Reverend William Bluntning qizi edi[1].
1899-yilda chizilgan Pamela va uning opa-singillari portreti (Wrmyssning 11-grafi rafiqasi Mary va Cambridgeshire lord-leytenanti Charlz Adenaning rafiqasi Madeline) Jon Singer Sargentning „Wyndham sisters“ nomi bilan tanilgan portreti The Times tomonidan „Zamonaviy davrning eng buyuk surati“ deya taʼriflangan.
Ish faoliyati[tahrir | manbasini tahrirlash]
1919-yilda Wyndham Birinchi Jahon urushi paytida halok boʻlgan oʻgʻli Edward Tennant haqidagi memuarni nashr ettirdi. Shuningdek, u sheʼrlar, nasriy asarlar, bolalar adabiyoti, sheʼriyat va antologiyalarni ham chop ettirgan.
U Henry James, Oskar Wilde va Edward Bern-Jones kabi ijodkorlar bilan doʻst boʻlib, „The Souls“ deb nomlanuvchi „poetik va adabiy toʻgarak“ guruhining aʼzosi edi. 1912-yilda u oʻzining shaxsiy sanʼat galereyasida Ezra Poundning uchta maʼruzasiga mezbonlik qildi[2]. Uning eng yaqin doʻstlaridan biri Edith Olivier edi; Olivier Wyndhamdan bir yosh kichik boʻlib, ular bolalikdan doʻst edilar.
Shaxsiy hayot[tahrir | manbasini tahrirlash]
1895-yilda u Eton va Cambridgedagi Trinity kollejida tahsil olgan Edward Tennantga (1859-1920) turmushga chiqdi. Edvard ser Charles Tennantning oʻn bir farzandlari orasidagi omon qolgan toʻngʻich oʻgʻli edi. U 1906-yilda otasining vafotidan soʻng baronetlik lavozimini egalladi. 1911-yilda u Peebles okrugidagi Glenlik baron Glenconner nomi bilan per darajasiga koʻtarildi. 1908-yildan vafotigacha (1920-yil) u Peeblesshire lord leytenanti sifatida xizmat qilgan. Uning singlisi Margot Tennant 1894-yildan 1928-yilgacha Bosh vazir vazifasini bajargan H. H. Asquith bilan turmush qurgan. Ularning umumiy farzandlari:
- Clarissa Madeline Georgiana Felicite Tennant (1896-1960), u Adrian Bethellga, keyin Lionel Tennyson, 3- Baron Tennyson, keyin esa Jeyms M. Beck Jr.ga turmushga chiqqan[3]
- Edward Tennant (1897-1916), Somme jangida halok boʻlgan urush shoiri
- Christopher Grey Tennant, 2-baron Glenconner (1899-1983), Ser Richard Pagetning qizi Pamela Pagetga uylangan, 2-baronet
- David Pax Tennant (1902-1968), Londonda Gargoyle klubiga asos solgan sotsialist
- Stephen James Napier Tennant (1906-1987), sotsialist, oʻzining dekadent turmush tarzi bilan tanilgan, „Bright young people“ (chaqnagan yoshlar) ning orasidagi „eng yorqini“ deb eʼtirof etilgan
1922-yilda u Fallodonlik 1-Vikont Grey (1862-1933), liberal davlat arbobi, parlament aʼzosi, tashqi ishlar boʻyicha davlat kotibi (Asquith davrida)[4] va Britaniyaning AQSh dagi elchisi Edward Greyga turmushga chiqdi.
Vikontessa Grey 1928-yil 18-noyabrda Wilsforddagi Wilsford Manorda, Angliyada vafot etdi. Uning ikkinchi eri 1933-yil 7-sentyabrda vafot etdi va garchi u baronetlikni uning amakivachchasi ser George Grey egallagan boʻlsa ham, uning oʻlimi bilan viskontlik unvoni ham barham topdi
Ommaviy madaniyatda[tahrir | manbasini tahrirlash]
Claudia Rentonning 2014-yilda chop etilgan „Those Wilde Wynghams: Three Sisters at the Heart of Power“ kitobi opa-singillar Mary, Madeline va Pamelalarning hayoti haqida hikoya qiladi[5].
Asarlari[tahrir | manbasini tahrirlash]
- Windlestraw: A book of verse, 1905 yil
- The Children and The Pictures, 1907 Heinemann tomonidan chop etilgan
- The White Wallet, 1912, 1928-yilda Stephen Tennant suratlari bilan qayta nashr etilgan
- The Story of Joan Arc, 1915
- The Saving of the Children, 1918
- Edward Wyndham Tennant: a memoir by his mother Pamela Glenconner, 1919
- Shepherd’s Crowns: a volume of essays, 1923[6]
Havolalar[tahrir | manbasini tahrirlash]
- ↑ Glanville-Richards, William Urmston Searle. Records of the Anglo-Norman House of Glanville from A.D. 1050 to 1880 ... (en). Mitchell and Hughes, 1882 — 141 bet. 2018-yil 25-iyulda qaraldi.
- ↑ Laird, Holly A.. The History of British Women's Writing, 1880–1920: Volume Seven. Springer, 2016 — 285 bet. ISBN 9781137393807. 2018-yil 17-yanvarda qaraldi.
- ↑ Dakers & Webb 1993.
- ↑ McPhail, Helen. Sassoon & Graves: On the Trail of the Poets of the Great War (en). Pen and Sword, 2001 — 175 bet. ISBN 9780850528381. 2018-yil 25-iyulda qaraldi.
- ↑ „Those Wild Wyndhams: Three Sisters at the Heart of Power by Claudia Renton – review“. Qaraldi: 2018-yil 17-yanvar.
- ↑ Bose, T.. A Bookman's Catalogue Vol. 1 A-L: The Norman Colbeck Collection of Nineteenth-Century and Edwardian Poetry and Belles Lettres. UBC Press, 2011 — 318 bet. ISBN 9780774844833. 2018-yil 17-yanvarda qaraldi.
- Manbalar
- Dakers, Caroline. Clouds: The Biography of a Country House. Yale University Press, 1993. ISBN 978-0-300-05776-8.