Operosa
| Operosa | |
|---|---|
 | |
| Janri | Opera, klassik musiqa |
| Lokatsiya | Herceg Novi, Chernogoriya |
| Faol yillari | 2006-yildan hozirga qadar |
| Veb-sayt | operosa.org |
Operasa – Bolqonda har yili oʻtkaziladigan klassik musiqa festivali boʻlib, asosan operaga bagʻishlangan; orkestr, vokal va yakkaxon cholgʻu musiqalari konsertlarini ham oʻz ichiga oladi. Festivalning asosiy tadbiri Chernogoriyaning Herceg Novi shahrida boʻlib oʻtadi.
Tarix va faoliyati[tahrir | manbasini tahrirlash]
Operosa 2006-yilda fin mezzo-soprano Katerin Xaataja tomonidan tashkil etilgan, maqsadi opera va klassik musiqada yosh isteʼdodlarni targʻib qilish va yosh musqichilar faoliyatini rivojlantirish[1]. Birinchi ochiq opera festivali 2007-yil iyun oyida Varna shahrida Evxinograd saroyi bogʻida Motsartning „Don Juan“ operasi bilan boshlandi[2][3]. Keyingi yili Sofiyada Ivan Vazov nomidagi milliy teatrda festival spektakllari boʻlib oʻtdi. 2009—2010-yillarda Operosa Evxinogradga Frensis Pulenkning „Odam ovozi“ va Charlz Gunoning „Romeo va Juletta“ operalari bilan boshlangan.
2011-yilda Operosa Serbiyada Belgrad yoshlar markazida opera spektakllarini sahnalashtirdi, bu u yerda birinchi marta boʻlib oʻtdi. 2012-yilda festival Belgraddagi Ilya Kolarac fondida, shuningdek, Sofiyadagi Betaxausda Georg Telemanning „Pimpinone“ asari va mahorat darslari bilan barokko operasiga bagʻishlangan holda boʻlib oʻtdi. 2013-yilda festival Chernogoriyaning Herceg Novi shahrida „Madaniyat kechasi“ doirasida boʻlib oʻtdi. 2014-yil sentabr oyida Operosa Charlz Gunodning „Romeo va Juletta“ asari bilan Tivatda Chernogoriyaning birinchi xalqaro toʻliq hajmdagi opera spektaklini sahnalashtirdi. 2015-yildan beri Operosa opera festivali Herceg Novi eski shaharchasida joylashgan Forte Mare dengiz qal’asida va Kanli Kula qal’asidagi ochiq amfiteatrda oʻtkazilmoqda.
2012-yilda boshlangan Operaosa Academia maxsus taʼlim dasturi Bolgariya, Serbiya va Chernogoriyada faoliyat yuritadi. U yil davomida yosh opera va mumtoz musiqa ijrochilari uchun mahorat saboqlari, seminarlar va kichik opera spektakllari bilan treninglar oʻtkazadi. Festival shuningdek, yosh Bolqon musiqachilarini mukofot va stipendiyalar bilan qoʻllab-quvvatlaydi.
Operosa Eks-an-Provens opera festivali, Qirolicha Yelizaveta kapellasi, Aldeburg festivali, Xelsinki festivali, La Monnaie teatri, Gollandiya milliy operasi va Kalouste Gulbenkian fondi kabi xalqaro opera institutlari bilan tajriba almashishda hamkorlik qiladi[4]. 2017-yilda festival Yevropa Ittifoqining Creative Europe madaniy dasturi tomonidan birgalikda moliyalashtirish uchun tanlangan.
Operosa festivalida qatnashgan musiqachilar va musiqiy guruhlar orasida: qoʻshiqchilar Jennifer Larmore, Darina Takova, Marijana Miyanovich, Katerina Haataja, Martin Lloyd-Evans, Tim Xopkin, Set Yorra kabi ijodkorlar bor[5][6][7].
Manbalar[tahrir | manbasini tahrirlash]
- ↑ „Операта като модерен бизнес проект“. manager.bg. 2022-yil 3-fevralda asl nusxadan arxivlangan. Qaraldi: 2015-yil 2-aprel.
- ↑ „Operosa - "Don Giovanni"“. operosa.org. 2016-yil 13-avgustda asl nusxadan arxivlangan. Qaraldi: 2015-yil 2-aprel.
- ↑ „"Дон Жуан" открива "Опероса Евксиноград"“. ibox.bg. 2015-yil 23-iyunda asl nusxadan arxivlangan. Qaraldi: 2015-yil 2-aprel.
- ↑ „Enoa“. 2021-yil 16-mayda asl nusxadan arxivlangan. Qaraldi: 2021-yil 16-may.
- ↑ „Marijana Mijanovic (contralto)“. 2021-yil 16-mayda asl nusxadan arxivlangan. Qaraldi: 2021-yil 16-may.
- ↑ „Jamie Vartan“. 2021-yil 16-mayda asl nusxadan arxivlangan. Qaraldi: 2021-yil 16-may.
- ↑ „Cordelia Chisholm“. 2021-yil 16-mayda asl nusxadan arxivlangan. Qaraldi: 2021-yil 16-may.