Omonat

Vikipediya, ochiq ensiklopediya
Navigatsiya qismiga oʻtish Qidirish qismiga oʻtish

Omonat — umumiy ma'noda: saqlashga ishonib topshirilgan, ishonchli. Bir insonning ikkinchi insonga vaqtinchalik ishonib topshirgan narsasi ham omonat hisoblanadi. Bu nomoddiy qadriyatlarni (til, madaniyat, millat) va moddiy (narsalar, ko'chmas mulk) saqlash uchun berilgan deb ham tushuniladi.

Omonat - mijozning maʼlum bir shartlar asosida bankka qoʻygan pul mablagʻlari. O. ga pul mablagʻlarini kirim kilish miqdori, ularni saqlash muddati va maqsadi O.ning turi shartlaridan kelib chiqqan holda belgilanadi.

Oʻzbekiston Respublikasida amaldagi qonunchilikka koʻra, O. kimning nomiga qabul qilinsa, uning nomiga O. daftarchasi rasmiylashtiriladi. O. nomiga boshqa shaxs mablagʻ topshirishi mumkin, bunda mablag kimning nomidan topshirilgan boʻlsa, oʻsha shaxs O.chi hisoblanadi. O.dan mablagʻlar O.chining birinchi talabiga koʻra, toʻliq yoki qisman berilishi taʼminlanadi. O.chi O.ga qoʻygan mablagʻidan shaxsan oʻzi yoki ishonchli vakili orqali foydalanish huquqiga ega. O.dagi mablagʻlar bir yoki bir necha kishiga, shuningdek, davlatga, alohida tashkilot va korxonalarga vasiyat qilinishi mumkin. O. boʻyicha daromadlar foiz yoki yutuq koʻrinishida toʻlanadi. Foiz stavkasining miqdori banklar tomonidan mustaqil ravishda belgilanadi. Banklar talab qilib olinadigan, muddatli va jamgʻariluvchi O. turlariga pul mablagʻlarini qabul qiladilar (yana qarang Depozit).[1]

Manbalar[tahrir | manbasini tahrirlash]

  1. OʻzME. Birinchi jild. Toshkent, 2000-yil