Nora-Jane Noone
| Nora-Jane Noone | |
|---|---|
| Tavalludi |
8-mart 1984-yil |
| Fuqaroligi | Irlandiya |
| Taʼlimi | Irlandiya Milliy universiyeti |
| Kasbi | aktrisa |
| Faoliyat yillari | 2002-yil - hozirgacha |
| Turmush oʻrtogʻi | Chris Marquette |
| Bolalari | 1 |
Nora-Jane Noone (1984-yil 8-martda tugʻilgan) – irlandiyalik aktrisa. 2020-yilda „The Irish Times“ nashri tomonidan eʼlon qilingan barcha davrlarning eng buyuk irland kino aktyorlari reytingida 47-oʻrinni egallagan[1]. U oʻzining ekranlardagi debyutini „The Magdalene Sisters“ (2002) filmida qilgan va shundan soʻng „The Descent“ (2005), „Savage“ (2009) va „Wildfire“ (2020) filmlarida ijro etgan rollari uchun IFTA Film & Drama mukofotiga sazovor boʻlgan.
Aktrisa yana „Doomsday“ (2008), „Ella Enchanted“ (2004), „The Ipcress File“ (2022) va „Hidden Assets“ (2023) kabi filmlardagi ishtiroki bilan ham mashhur.
Yoshlik yillari va taʼlimi
[tahrir | manbasini tahrirlash]Noone Galway shahridagi Upper Newcastle koʻchasida oʻsgan[2]. U Galwaydagi „Performing Arts School“ maktabida ikki yil tahsil olgan va 7-sinfligidayoq mohir pianinochi va raqqosaga aylangan[3]. Noone aktrisalik karyerasini boshlashdan avval bir necha maktab va havaskorlar teatrida turli rollarni ijro etgan[4].
U 2004-yilda University of Galwayni ilmiy daraja bilan yakunlagan va keyinchalik London shahrriga koʻchib oʻtgan.
Karyerasi
[tahrir | manbasini tahrirlash]Noone oʻzining ekranlardagi professional debyutini Peter Mullan tomonidan yozilgan va rejissyorlik qilgan „The Magdalene Sisters“ (2002) filmida Bernadette rolini ijro etishdan boshlagan[4]. Film 2002-yilgi Venetsiya kinofestivalida „Eng yaxshi film“ nominatsiyasida gʻolib deb topilgan. Bundan tashqari British Academy Film Awards mukofotida esa „Eng yaxshi Britaniya filmi“ nominatsiyasiga nomzodlar qatorida boʻlgan. Bernadette rolidagi ijrosi uchun Noone 2004-yilda London Film Critics' Circle Awardsda (London kino tanqidchilarining mukofoti) „Britaniyada yilning eng yaxshi yangi aktyori“ yoʻnalishidagi nomzodlar orasidan joy olgan, shuningdek ushbu kinoning rejisyori Peter Mullan ham mukofotning „Eng yaxshi rejissyor“ nomitatsiyasiga loyiq koʻrilgan[5].
2005-yilda Noone uchinchi Irish Film & Television Awards mukofotida „The Descent“ (2005) filmidagi Holly roli uchun „Badiiy filmlardagi eng yaxshi yordamchi aktrisa“ nominatsiyasiga nomzod boʻldi[6]. 2010-yilda aktrisa yana „Savage“ (2009) filmidagi ijrosi uchun ham oʻsha nominatsiyaga nomzodlar qatoridan oʻrin oldi[7].
2008-yilda u rejissyor Neil Marshall, Speed Dating va Ella Enchanted tomonidan suratga olingan „Doomsday“ filmida asosiy rollalrdan birini oʻynadi. Bundan tashqari ushbu yil davomida Noone Andrew McCarthy tomonidan yozilgan va rejissyorlik qilingan „News for the Church“ hamda Michael Chang tomonidan suratga olingan „The Listener“ qisqa metrajli filmlarida ishtirok etdi. Suningdek, BBC Radio 4 tomonidan ishlangan „Walking at Ringsend“ filmida ham koʻrinish bergan. Uning 2008-yilgi ishlari qatoriga „Insatiable“ filmini ham kiritish mumkin[8].
Noone „The Descent Part 2“, „The Day of the Triffids“ va „The Runaway“ filmlarida, „Jack Taylor“ serialining birinchi mavsumining 1-6-qismlarda ham turli rollarda ishtirok etgan[8]. 2013-yilda boshlab esa aktrisa qisqa metrajli filmlar yozishni boshlagan[9].
2023-yilda aktrisa Irlandiyaga qaytdi va RTÉ telekanalining „ Hidden Assets“ serialida detektiv serjant Claire Wallace rolini ijro etdi[3].
Shaxsiy hayoti
[tahrir | manbasini tahrirlash]2023-yilda u „Hidden Assets“ filmini suratga olish jarayonida tugʻilgan shahri Galwayga yashash uchun qaytib keldi[3]. U aktyor Chris Marquette bilan turmush qurgan boʻlib, ularning hozircha yagona boʻlib turgan qizi 2020-yilda tugʻilgan[10]. Bu ham Noonening Irlandiyaga qaytishiga asosiy sabablardan biri boʻldi[3].
Filmografiyasi
[tahrir | manbasini tahrirlash]Filmlar
[tahrir | manbasini tahrirlash]| Yil | Nomi | Rol | Tarif/manba |
|---|---|---|---|
| 2002 | The Magdalene Sisters | Bernadette | London Film Critics' Circle[5] |
| 2004 | Ella Enchanted | Fairy No. 1 | |
| 2004 | News for the Church | Girl | Qisqa metrajli film |
| 2004 | The Listener | Woman | Qisqa metrajli film |
| 2005 | The Descent | Holly | [6] |
| 2007 | Speed Dating | Juliet Van Der Bexton | |
| 2008 | Doomsday | Read | |
| 2008 | Beyond the Rave | Jen | |
| 2008 | Insatiable | Ellie | |
| 2009 | Stranded | Josie | Qisqa metrajli film |
| 2009 | The Bus Driver | Qisqa metrajli film | |
| 2009 | Through the Night | Lil | Qisqa metrajli film |
| 2009 | Legend of the Bog | Saiorse Reilly | |
| 2009 | Savage | Michelle | [7] |
| 2009 | The Descent Part 2 | Holly | |
| 2010 | Small Change | Karen | Qisqa metrajli film |
| 2011 | January | Kathrine | |
| 2011 | Mixed Marriage | Nora Murray | Teatr |
| 2012 | Wasted | Qisqa metrajli film | |
| 2012 | Taking the Boat | Maeve | Qisqa metrajli film |
| 2013 | Deception | Aoife Stacey | |
| 2015 | Brand New-U | Nadia | |
| 2015 | Brooklyn | Sheila | |
| 2015 | Estranged | Kathrine | |
| 2017 | 12 Feet Deep | Bree | |
| 2017 | The Capture | Alex | |
| 2019 | Darlin' | Jennifer | |
| 2020 | Wildfire | Lauren | [11] |
| 2020 | I Hate the Man in My Basement | Kyra |
Mukofot va nominatsiyalar
[tahrir | manbasini tahrirlash]| Yil | Mukofot | Kategoriya | Film | Natija | Manba. |
|---|---|---|---|---|---|
| 2004 | London Film Critics' Circle Award | Britaniyada yilning eng yaxshi yangi aktyori | The Magdalene Sisters | Nominatsiya | [5] |
| 2005 | Irish Film & Television Academy Award | Badiiy filmlardagi eng yaxshi yordamchi aktrisa | The Descent | Nominatsiya | [6] |
| 2010 | Eng yaxshi yordamchi aktrisa | Savage | Nominatsiya | [7] | |
| 2021 | Bosh roldagi eng yaxshi aktrisa | Wildfire | Nominatsiya | [11] |
Manbalar
[tahrir | manbasini tahrirlash]- ↑ Clarke, Donald; Brady, Tara „The 50 greatest Irish film actors of all time – in order“. irishtimes.com (2020-yil 13-iyun). Qaraldi: 2022-yil 12-dekabr.
- ↑ „Always hiding in plain sight“. The Irish Independent (2013-yil 21-yanvar).
- ↑ 3,0 3,1 3,2 3,3 Jamie McCarron.. „Hollywood star new RTE big name as world famous actress moves family to Galway“. galwaybeo.ie (2023-yil 9-oktyabr).
- ↑ 4,0 4,1 Luma Muhtadie. „Airing out Ireland's dirty laundry“. theglobeandmail.com (2003-yil 1-avgust).
- ↑ 5,0 5,1 5,2 „London Critics Circle Film Awards 2004“. famousfix.com (2004-yil 11-fevral).
- ↑ 6,0 6,1 6,2 „Irish Film & Television Awards Winners 2005“. ifta.ie (2005). Qaraldi: 2009-yil 13-yanvar.
- ↑ 7,0 7,1 7,2 „Irish Film & Television Awards Winners 2010“. ifta.ie (2010). Qaraldi: 2009-yil 13-yanvar.
- ↑ 8,0 8,1 „Nora-Jane Noone Credits“. tvguide.com. Qaraldi: 2023-yil 7-noyabr.
- ↑ „Nora-Jane Noone – Actress“. GalwayIndependent.com (2013-yil 16-yanvar). 2014-yil 23-fevralda asl nusxadan arxivlangan. Qaraldi: 2024-yil 8-avgust.
- ↑ „Chris Marquette on Instagram: "My daughter is 2! Shes way smarter than I am already. Plus shes the boss. I wasn't happy about it at first but.. She offers good benefits, great healthcare, extended holidays, I get along with her mom so.. She's taught me deep lessons in patience, vulnerability, healing.. And all about a love that reaches far beyond life's horizon. All the nice cliches are true. And all the fears are not. Except for the one about being exhausted all the time. That shits the realest #parenthood #toddlerlife"“.
- ↑ 11,0 11,1 „IFTAs 2021: Normal People leads IFTAs nominations with 15“. independent.