Mutallib Abbosov

Vikipediya, ochiq ensiklopediya

Mutallib Abbosov (1924 – Namangan – 1982) – teatr rassomi, Oʻzbkistonda xizmat koʻrsatgan san’at arbobi (1967). Toshkent badiiy oʻquv ishlab chiqarish kombinatida tahsil koʻrgan (1939–41). 1941-yildan Namangan teatrida rassom, bosh rassom. Dastlab etnografik aniqlik yaratish yoʻlidan borgan Abbosov ijodida badiiy obrazlilik asosiy tamoyilga aylanadi, uning har bir spektakli oʻziga xos badiiy yechimi bilan ajralib turadi. "Nurxon", "Otello" (1954), "Gang daryo-sining qizi" (1956), "Ravshan va Zulxumor", "Qirol Lir" (1959) va boshqa 60–70-yillarda "Sarvqomat dilbarim", "Guli siyoh", "Navoiy Astrobodda", "Layli va Majnun", "Halima", "Mashrab", "Yusuf va Zulayho" kabi spektakllarga sahna bezaklari yaratdi. Abbosov rangtasvir, mahobatli haykaltaroshlik ("Motamsaro ona" haykali, Namanganda) sohasida ham ijod qilgan.

Adabiyotlar[tahrir | manbasini tahrirlash]

  • OʻzME. Birinchi jild. Toshkent, 2000-yil