Muhammad al-Abhariy (faqih)
Muhammad al-Abhariy | |
|---|---|
| Shaxsiy maʼlumotlar | |
| Tavalludi | milodiy 902-yil (hijriy 289-yil) |
| Vafoti | milodiy 986-yil (hijriy 375-yil) |
| Dini | Islom |
Muhammad ibn Abdulloh ibn Muhammad ibn Solih ibn Umar ibn Misʼab ibn az-Zubayr al-Abhariy al-Molikiy — faqih, qori, Molik ibn Anas mazhabini sharhlashga oid asarlar musannifi, muhaddis, usul al-fiqh sohasi boʻyicha olim boʻlgan. Uning Molik ibn Anas mazhabini tushuntirish va unga qarshi chiqqanlarga raddiya tarzida yozilgan asarlari bor. Oʻz davridagi zamondoshlarining peshvosi boʻlgan. U Buhron, Bagʻdod va Kufada hadis tinglagan. Togʻli Abharda 902-yil tugʻilgan. Bagʻdodda istiqomat qilgan va shu yerda faqih boʻlib yetishgan, qiroat va isnod ilmlarini egallagan. Bagʻdodda hadis aytgan va 986-yilda shu yerda vafot etgan.
Asarlari[tahrir | manbasini tahrirlash]
- „Sharhu muxtasari ibn al-Hakam“ (Ibn al-Hakam „Muxtasari“ga sharh")
- „ar-Radd ala-l-Muzniy fi salosina masʼala“ („Oʻttiz masala haqida al-Muzniyning fikrlariga qarshi bitilgan raddiya“)
- „Kitob fi usuli-l-fiqh“ („Fiqh ilmining asoslari haqidagi kitob“)
- „Fazlu-l-Madina ala Makka“ („Madinaning Makkaga nisbatan ustuvor fazilati“)
- „Sharhu kitobi Abdulhakim al-Kabiyr va-s-sagʻiyr“ (Abdulhakimning „Katta va kichik hukmlar kitobi“ga sharh")[1].
Manbalar[tahrir | manbasini tahrirlash]
- ↑ Z. Munavvarov va boshqalar. Renessans olimlari qomusi (oʻzbekcha, inglizcha va arabcha), 2021-yil — 153 bet. ISBN 978-9943-7557-7-2.
 | Ushbu maqolada Renessans olimlari qomusi maʼlumotlaridan foydalanilgan. |
 |