Marianne Bachmeier

Ishorat qoʻshish
Vikipediya, ochiq ensiklopediya
Marianne Bachmaeier
Tavalludi 1950-yil 3-iyun
Sarstedt Germaniya Germaniya
Vafoti 17-sentyabr 1996-yil(1996-09-17)
(46 yoshda)
Lübeck, Germaniya Germaniya
Fuqaroligi Germaniya

Marianne Bachmeier (talaffuzi: Marianna Bachmayer) (1950-yil 3-iyun Sarstedt Germaniya – 1996-yil 17-sentyabr Lübeck Germaniya) – 1981-yilda Lübeck okrug sudida qizi Annani zoʻrlash va oʻldirishda ayblanayotgan Klaus Grabowskini otib oʻldirgan nemis ayoli. Bu voqea ommaviy axborot vositalarida keng yoritilgan va jamoatchilik muhokamasiga sabab boʻlgan. Natijada Bachmeier qasddan odam oʻldirish va oʻqotar qurolni noqonuniy saqlashda ayblangan. Marianne Bachmeier olti yilga qamalgan boʻlsada uch yilni oʻtaganidan soʻng garov evaziga ozod qilingan. Bachmeierga oshqozon osti bezi saratoni tashxisi qoʻyilgan. U 46 yoshida vafot etgan va Lübeckdagi Burgtor qabristonida qizi Anna yoniga dafn qilingan.

Yoshligi va oilasi[tahrir | manbasini tahrirlash]

Marianne Bachmeier 1950-yil 3-iyunda tugʻilgan Gʻarbiy Germaniyada tugʻilgan[1][2]. U Quyi Saksoniyadagi Sarstedt shahrida oʻsgan. Mariannening ota onasi dindor konservativ boʻlishgan[3]. Uning otasi, ilgari Waffen-SS aʼzosi boʻlgan[3].Keyinchalik ichkilikbozlikka berilib ketgan[4]. Ichkilikbozlik Mariannening otasini yanada tajovuzkor qilib qoʻygan[4]. Bu muaommolar tufayli Bachmaeirning ota-onasi ajrashgan. Keyinchalik uning onasi boshqa inson bilan oila qurgan.[3][4]. Bachmererni oʻgay otasini diktator ota deb taʼriflagan, buning ortidan oʻgay otasi bilan muammolar paydo boʻla boshlagan. Oxir-oqibat onasi Marianneni uydan haydab yuborgan[3][4]. 1966-yilda 16 yoshida Bachmeier oʻzining birinchi farzandini dunyoga keltirgan, ammo uni goʻdakligidayoq boshqa oilga asrab olishga topshirgan[3]. U 18 yoshida yigitidan yana homilador boʻlgan, ikkinchi farzandi tugʻilishidan sal oldin zoʻrlangan[3]. U ikkinchi farzandini ham goʻdakligidayoq boshqa oilaga asrab olish uchun topshirgan[5]. Bachmeier 1972-yilda birga ishlaydigan Tipasa pub menejeri bilan uchrasha boshlagan[5][6]. U 22 yoshida uchinchi marta homilador boʻlgan[5][6]. 1972-yil 14-noyabrda Bachmeierning uchinchi farzandi Anna tugʻilgan. Qizini Bachmeier yolgʻiz oʻzi tarbiyalagan[5][6]. Yolgʻiz boʻlganligi tufayli Bachmeier Annani ishxonasiga olib ketgan, ish soati tugaganidan keyin qizi bilan yana uyiga qaytgan[7].

Qizining oʻlimi[tahrir | manbasini tahrirlash]

1980-yil 5-mayda, Anna yetti yoshga toʻlganida, onasi bilan janjallashib qolgan va maktabni tashlab ketishga qaror qilgan[8][9]. Shu kuni uni mushuklarini holidan xabar olish maqsadida uyiga borgan 35 yoshli qassob Klaus Grabowski oʻgʻirlab ketgan[8][9]. Grabowski Annani uyida bir necha soat ushlab turgan, unga jinsiy tajovuz qilgan va oxir-oqibat Annani boʻgʻib oʻldirgan.[10][11]. Prokurorning soʻzlariga koʻra, Grabowski murdani bogʻlab uyi yonidan oqib oʻtadigan kanalga oqizib yuborgan. Bunga guvoh boʻlgan Grabowskining kelini politsiyaga xabar bergan[10][11]. Grabowski jinsiy zoʻravonlikda va qotillikda ayblangan. Maʼlumotlarga qaraganda Graboeski bundan oldin ham ikki qizga nisbatan jinsiy zoʻravonlik qilgani uchun sudlangan[12]. 1976-yilda u oʻz ixtiyori bilan kimyoviy kastratsiyaga rozi boʻlgan, ammo keyinchalik gormonal preparatlar yordamida asl xoliga qaytgan[12][13].

Sud jarayoni[tahrir | manbasini tahrirlash]

1981-yil 6-mart kuni, Anna oʻlimi boʻyicha sud jarayonining uchinchi kunida Bachmeier Beretta 70[14] rusumli qurolini Lübeck tuman sudi 157-xonaga olib kirgan va Grabowskini otib oʻldirgan[15][16]. Bachmeier Grabowskiga qarata yettita oʻq uzgan. Oltita oʻq Grabowskiga tekkan, u oʻsha zahotiyoq halok boʻldi[17]. Keyin Bachmeier qurolini tushirgan va qarshilik koʻrsatmay taslim boʻlgan[7][17].

Jamoatchilik fikri[tahrir | manbasini tahrirlash]

Bu ish G'arbiy Germaniya tarixidagi eng mashhur adolat qaror topgan voqeaga aylangan[7][9]. Voqea ommaviy axborot vositalarida keng yoritilgan va mamlakat boʻylab hamda xorijdan televideniye guruhlari ish haqida intervyu olish uchun Lübeckga kelishgan[10]. Bachmeier oʻz hayotiy hikoyasini Stern jurnaliga taxminan 100 000 nemis markasiga sotgan. Toʻlov bilan u oʻzining sud xarajatlarini qoplagan. Bachmeier hibsda boʻlganida, koʻpchilik uning xatti-harakatlariga xayrixoh ekanliklarini koʻrsatish uchun qoʻllab-quvvatlash xabarlari, sovgʻalar va gullar yuborishgan[3]. Shunga qaramay, konstitutsiyaviy davlat bunday holatga yoʻl qoʻymasligi kerak deb hisoblaydiganlar ham mavjud edi[18]. Bundan tashqari, Stern oʻzining hayotiy hikoyasini eʼlon qilgandan soʻng, uning birinchi ikki farzandi va otasining SS bilan aloqasi haqidagi tafsilotlar maʼlum boʻlgach, jamoatchilik fikri oʻzgarib ketgan, sababi u endi „begunoh ona“ qiyofasiga mos kelmay qolgan[3][8]. G‘arbiy Germaniya sud tizimi ikki qizga jinsiy zoʻravonlik qilgan erkakka kimyoviy kastratsiyadan oldingi holatini gormonlar orqali tiklashga ruhsat bergani uchun tanqidga uchragan[7].

Qotillik uchun hukm[tahrir | manbasini tahrirlash]

1982-yil 2-noyabrda Bachmeierga sud jarayonida qotillik ayblovi qoʻyilgan[17]. Keyinroq prokuratura qotillik ayblovini olib tashlagan. 28 kun davom etgan muzokaralardan soʻng, kengash bir qarorga kelgan[5]. Ish boshlanganidan toʻrt oy oʻtgach, u 1983-yil 2-martda Lübeck tuman sudi tomonidan odam oʻldirish va oʻqotar qurolni noqonuniy saqlashda ayblanga[9][15]. Advokatning Bachmeier bu ishni qasddan qilinmaganligi haqidagi vajlari sud tomonidan rad etilgan. U olti yillik qamoq jazosiga hukm qilindi, ammo uch yilni oʻtaganidan keyin garov evaziga ozod qilingan[9][15].

Keyingi hayoti[tahrir | manbasini tahrirlash]

1994-yilda, otishmadan oʻn uch yil oʻtib, Bachmeier Deutschlandfunk radiostansiyasiga intervyu bergan[19]. Xuddi shu yili uning tarjimai holi nemis nashriyotchisi Schneekluth-Verlag tomonidan chop etilgan[8]. 1995-yil 21-sentyabrda u Fliege on Das Erste televizion tok-shousida ishtirok etgan va u yerda Grabowskiga nisbatan qonunni qoʻllash va Anna haqida yolgʻon tarqatishning oldini olish haqida uzoq oʻylaganidan soʻng uni otib tashlaganini tan olgan[10].

Oʻlimi[tahrir | manbasini tahrirlash]

Marianne va Annaning qabri

Oʻlimidan oldin Bachmeier Norddeutscher Rundfunk teleradiokompaniyasi muxbiri Lukas Mariya Böhmerdan unga hamroh boʻlishini va hayotining soʻnggi bosqichlarini suratga olishni soʻragan. 1996-yil 17-sentyabrda Bachmeier 46 yoshida Lübeckdagi kasalxonada oshqozon osti bezi saratonidan vafot etgan[5]. Oʻlimidan soʻng u Lübeckdagi Burgtor qabristoniga, qizi Annaning yoniga dafn etilgan[5][7].

Ommaviy maʼdaniyatda[tahrir | manbasini tahrirlash]

Kino[tahrir | manbasini tahrirlash]

Kitob[tahrir | manbasini tahrirlash]

Manbalar[tahrir | manbasini tahrirlash]

  1. ↑ Langenscheid, Adrian; Rickert, Benjamin; Löschmann, Stefanie. True Crime Deutschland 3 Wahre Verbrechen – Echte Kriminalfälle: Ein erschütterndes Portrait menschlicher Abgründe. (de). BoD – Books on Demand, 2022-06-18. ISBN 978-3-7546-5920-5. 
  2. ↑ Nordiske Kriminalsaker 1985 (no). Lindhardt og Ringhof, 2017-01-02. ISBN 978-87-26-09361-2. 
  3. ↑ 3,0 3,1 3,2 3,3 3,4 3,5 3,6 3,7 Haas, Nicole E.; de Keijser, Jan W.; Bruinsma, Gerben J. N. (2012-12-01). "Public support for vigilantism: an experimental study" (en). Journal of Experimental Criminology 8 (4): 387–413. doi:10.1007/s11292-012-9144-1. ISSN 1572-8315. https://doi.org/10.1007/s11292-012-9144-1. Qaraldi: 28 January 2023. Marianne Bachmeier]]
  4. ↑ 4,0 4,1 4,2 4,3 „Countdown mit Annas Mutter“ (de). Der Spiegel (1984). 2023-yil 28-yanvarda asl nusxadan arxivlangan. Qaraldi: 2023-yil 28-yanvar.
  5. ↑ 5,0 5,1 5,2 5,3 5,4 5,5 5,6 Karomo, Chege „Did Marianne Bachmeier go to jail? Her crime detailed“ (en-US). OkayBliss (2023-yil 19-yanvar). 2023-yil 21-yanvarda asl nusxadan arxivlangan. Qaraldi: 2023-yil 28-yanvar.
  6. ↑ 6,0 6,1 6,2 Driest, Burkhard, muh. (1984), Annas Mutter [Anna's Mother] (nemischa), MUBI, 6 October 2022da asl nusxadan arxivlandi, qaraldi: 2023-02-02
  7. ↑ 7,0 7,1 7,2 7,3 7,4 „Der Fall Marianne Bachmeier: Selbstjustiz einer Mutter“ [The case of Marianne Bachmeier: Vigilante justice of a mother] (de). Norddeutscher Rundfunk (2023-yil 20-yanvar). 2023-yil 1-fevralda asl nusxadan arxivlangan. Qaraldi: 2023-yil 1-fevral.
  8. ↑ 8,0 8,1 8,2 8,3 Köpcke, Monika „Rache im Gerichtssaal“ [Revenge in the courtroom] (de). Deutschlandfunk (2006-yil 6-mart). 2022-yil 13-dekabrda asl nusxadan arxivlangan. Qaraldi: 2023-yil 21-yanvar.
  9. ↑ 9,0 9,1 9,2 9,3 9,4 „Kalenderblatt: 2.3.1983 Justiz und Selbstjustiz“ (de). Der Spiegel (2008-yil 2-mart). 2023-yil 28-yanvarda asl nusxadan arxivlangan. Qaraldi: 2023-yil 28-yanvar.
  10. ↑ 10,0 10,1 10,2 10,3 Bilderbeck, Poppy „Mother who got her revenge by firing seven shots in front of packed courtroom“ (en). UNILAD (2022-yil 31-dekabr). 2023-yil 21-yanvarda asl nusxadan arxivlangan. Qaraldi: 2023-yil 24-yanvar.
  11. ↑ 11,0 11,1 „"Ich schäme mich, ich schäme mich so": Gerhard Mauz zum Fortgang des Strafverfahrens gegen Marianne Bachmeier in Lübeck“ (de). Der Spiegel (1982-yil 3-yanvar). 2023-yil 28-yanvarda asl nusxadan arxivlangan. Qaraldi: 2023-yil 28-yanvar.
  12. ↑ 12,0 12,1 „"Ohne kollegiale Rücksichtnahme": Spiegel-Reporter Gerhard Mauz im Prozeß gegen Marianne Bachmeier in Lübeck“ [»Without collegial consideration«: SPIEGEL reporter Gerhard Mauz in the trial of Marianne Bachmeier in Lübeck], Der Spiegel, 1982-11-07, ISSN 2195-1349, 13 December 2022da asl nusxadan arxivlandi, qaraldi: 2021-12-02
  13. ↑ „Marianne Bachmeier; "Revenge Mother" Who Shot her Daughter's killer“ (en-US) (2023-yil 29-aprel). Qaraldi: 2023-yil 8-may.
  14. ↑ „Museen Nord: Pistole“ [Unseen Nord: Gun] (de). UNSEEN NORD. 2022-yil 17-noyabrda asl nusxadan arxivlangan. Qaraldi: 2022-yil 17-noyabr.
  15. ↑ 15,0 15,1 15,2 Hilger, Maternus „Berühmter Kriminalfall: Marianne Bachmeier tötet Mann im Gericht“ [Revenge of a mother When Marianne Bachmeier killed her daughter's murderer] (de). Express (2021-yil 3-iyun). 2022-yil 3-fevralda asl nusxadan arxivlangan. Qaraldi: 2022-yil 3-fevral.
  16. ↑ „Die spektakulärsten Kriminalfälle: Dem Verbrechen auf der Spur, Teil 2“ (de). Der Spiegel (2015-yil 22-iyul). 2023-yil 5-fevralda asl nusxadan arxivlangan. Qaraldi: 2023-yil 5-fevral.
  17. ↑ 17,0 17,1 17,2 Evans, Stephen. „The Nazi murder law that still exists“. Berlin: BBC News (2014-yil 5-fevral). 2018-yil 29-aprelda asl nusxadan arxivlangan. Qaraldi: 2018-yil 20-iyun.
  18. ↑ Aufgeklärt – Spektakuläre Kriminalfälle Folge 1: Wenn Frauen töten: Marianne Bachmeier [Clarified – Spectacular criminal cases Episode 1: When women kill: Marianne Bachmeier] (nemischa), 2017-12-22, 2 February 2023da asl nusxadan arxivlandi, qaraldi: 2023-02-02
  19. ↑ „Selbstjustiz einer Mutter: Der Fall Marianne Bachmeier“ (de). Der Spiegel (1993-yil 6-iyul). 2023-yil 1-fevralda asl nusxadan arxivlangan. Qaraldi: 2023-yil 1-fevral.

Sarlavha matni[tahrir | manbasini tahrirlash]

"https://uz.wikipedia.org/w/index.php?title=Marianne_Bachmeier&oldid=3894603" dan olindi