Manzura Madaliyeva

Vikipediya, ochiq ensiklopediya
Jump to navigation Jump to search

Manzura Abdullayevna Madaliyeva (1947.26.8, Qoʻqon) — ilgʻor oʻqituvchi. Oʻzbekiston Qahramoni (1997). Qoʻqon pedagogika institutining mat. fakultetini tugatgan (1970). 1970 yildan Qoʻqon shahridagi 10-maktabda mat. oʻqituvchisi. M. mat. taʼlimida oʻziga xos maktab yaratdi. U maktabda birinchi boʻlib "matematika fani xonasi"ni tashkil etib, unga mat. tarixiga doir asarlar, mat. fanining buyuk allomalari suratlari, kitoblarini qoʻydi. Viloyatda birinchi boʻlib "Qiziqarli matematika kechasi"ni oʻtkazdi. M. mat.dan dars berishda televideniye imkoniyatlaridan keng foydalanishni yoʻlga qoʻydi. Oʻzbekiston televideniyesi uning ssenariysini "Bilmasvoy matematika kechasida" nomi bilan namoyish etdi. Xuddi shunday koʻrsatuv Al-Xorazmiy tavalludining 1200 yilligiga bagʻishlangan xalqaro ilmiy anjuman qantashchilariga ham namoyish etildi. M. darsda koʻrgazmali vosita va kompyuterlardan unumli foydalanadi. M. "Sahnada — matematika" kitobi va "Koʻpburchaklar tashkiloti va Ahmad" inssenirovkasi muallifi.[1]

Manbalar[tahrir]

  1. OʻzME. Birinchi jild. Toshkent, 2000-yil