Malika Yusupova

Malika Botiraliyevna Yusupova
Tavalludi	1963-yil 4-may; Andijon shahri
Kasbi	Buxgalter-iqtisodchi
Ish joylari	Andijon mashinasozlik instituti
Ilmiy unvoni	iqtisod fanlari nomzodi, dotsent

Malika Botiraliyevna Yusupova (1963-yil 4-may) – oʻzbekistonlik olim, iqtisod fanlari nomzodi, dotsent. Andijon mashinasozlik instituti Milliy va xalqaro reytinglar bilan ishlash boʻlimi boshligʻi.

Tarjimai holi[tahrir | manbasini tahrirlash]

Malika Botiraliyevna Yusupova 1963-yilda Andijon shahrida tugʻilgan. 1985-yilda Toshkent xalq xoʻjalik instituti Andijon filialini Buxgalteriya hisobi mutaxassisligini tugatgan, buxgalter-iqtisodchi. Oilali, 2 nafar farzandi bor.

Mehnat faoliyati[tahrir | manbasini tahrirlash]

Mehnat faoliyatini 1980-yilda Andijon Andijon avtomobil yoʻllari boshqarmasi texnik-chizmachisi lavozimidan boshlagan. 1980-1981-yillarda Andijon tarmoq hisoblash markazi operatori, 1981-1986-yillarda 28-koʻprik qurilish boshqarmasi kassiri, buxgalteri, katta iqtisodchisi, 1986-1990-yillarda Toshkent xalq xoʻjaligi instituti Andijon filiali buxgalteriya hisobi, statistika va moliya kafedrasi assistenti lavozimida ishlagan. 1990-1993-yillarda Moskva davlat universiteti aspiranti boʻlgan. 1993-1994 yillarda Andijon iqtisodiyot va boshqaruv instituti buxgalteriya hisobi va audit kafedrasi katta oʻqituvchisi, 1994-1995-yillarda Andijon muhandislik-iqtisodiyot instituti buxgalteriya hisobi va audit kafedrasi mudiri vazifasini bajaruvchisi, 1995-2000 yillarda Andijon muhandislik-iqtisodiyot instituti buxgalteriya hisobi va audit kafedrasi dotsenti, 2000-2006-yillarda Andijon muhandislik-iqtisodiyot instituti ichki nazorat va monitoring boʻlimi boshligʻi, 2006-2007-yillarda Andijon muhandislik-iqtisodiyot instituti buxgalteriya hisobi va audit kafedrasi dotsenti, 2007-2009-yillarda Andijon muhandislik-iqtisodiyot instituti moliya fakulteti dekani vazifasini bajaruvchisi, 2009-2011-yillarda Andijon muhandislik-iqtisodiyot instituti ichki nazorat va monitoring boʻlimi boshligʻi, 2011-2012-yillarda Andijon mashinasozlik instituti ilmiy ishlar boʻyicha prorektor vazifasini vaqtincha bajaruvchisi, 2012-2014-yillarda Andijon mashinasozlik instituti ishlab chiqarishni boshqarish kafedrasi dotsenti, 2014-2018-yillarda Andijon mashinasozlik instituti monitoring va ichki nazorat boʻlimi boshligʻi, sanoat ishlab chiqarishini tashkil etish kafedrasi dotsenti, 2018-2023-yillarda Andijon mashinasozlik instituti Taʼlim sifatini nazorat qilish boʻlimi boshligʻi lavozimlarida faoliyat yuritgan. 2023-yildan Andijon mashinasozlik instituti Milliy va xalqaro reytinglar bilan ishlash boʻlimi boshligʻi hisoblanadi.

Ilmiy faoliyati[tahrir | manbasini tahrirlash]

1990-1993-yillarda M. V. Lomonosov nomli Moskva davlat universiteti aspiranturasida tahsil olib, „Ip gazlama ishlab chiqarish korxoalarida mahsulot sotish va moliyaviy natijalar hisobi va tahlili“ („Uchyot i analiz realizatsii produksii i finansovix rezultatov na predpriyatiyax xlopchatobumajnoy promishlennosti“) mavzusida nomzodlik dissertatsiyasini muddatidan ilgari muvaffaqiyatli himoya qilgan.

Hozirgacha xalqaro xorijiy va Respublikamiz jurnallarida 30ga yaqin maqolalari, turli nashrlarda 80 dan ortiq maqola va tezislari, vazirlik grifi bilan hammualliflikda 3 ta darslik, 2 ta oʻquv qoʻllanmalari chop etilgan. Shuningdek, 2 ta monografiya nashr etgan. 2005 yilda oliy taʼlim tizimida oʻquv qoʻllanmasi sifatida foydalanishga moʻljallangan, dotsentlar E.Moʻydinov hamda B.Solievlar bilan hammualliflikda tayyorlangan „Moliyaviy hisob“ nomli oʻquv qoʻllanmasi (hajmi 15,0 b.t.) nashr etilgan. Shu bilan birga Oʻzbekiston Biznes fanlar oʻqituvchilari assotsiatsiyasi treneri sifatida USAIDning „Tadbirkorlikni rivojlantirish“ loyihasi doirasida „Moliyaviy hisob-1“, „Boshqaruv hisobi-1“ kurslarida Fargʻona vodiysi buxgalterlari, tadbirkorlari va auditorlarining malakasini oshirish hamda sertifikatli xalqaro amaliyotchi buxgalterlarni tayyorlashda faol ishtirok etgan. Malika Yusupova xalqaro toifadagi Sertifikatli amaliyotchi buxgalter nomiga sazovor boʻlgan.

Erishgan yutuqlari[tahrir | manbasini tahrirlash]

Malika Yusupova 1999-yilda oʻquv-uslubiy hamda ilmiy-tadqiqot ishlaridagi natijalari va faolligi uchun Oliy taʼlim aʼlochisi, 2011-yilda esa „Oʻzbekiston Respublikasi Mustaqilligining 20 yilligi“ koʻkrak nishonlari bilan taqdirlangan.