Magnitogorsk

Vikipediya, ochiq ensiklopediya

Magnitogorsk - RF Chelyabinsk viloyatidagi shahar (1931 yildan). Magnit togʻi etagida. Jan. Uralning sharqiy yon bagʻrida, Ural daryosining har ikkala sohilida. RF metallurgiya sanoatining eng yirik markazlaridan biri. 1929—34 yillarda Magnitogorsk metallurgiya k-ti qurilishi munosabati bilan vujudga kelgan. Aholisi 426,1 ming kishi (1998). Yirik sanoat korxonalari: metallurgiya k-ti, metiz-metallurgiya, kalibrlash, kran zavodlari. Pianino f-kasi mavjud. Mashinasozlik, kurilish materiallari, yengil va oziq-ovqat sanoatlari rivojlangan. Konchilik-metallurgiya va ped. institutlari, drama va qoʻgʻirchoq teatrlari, oʻlkashunoslik muzeyi bor.[1]

Manbalar[tahrir]

  1. OʻzME. Birinchi jild. Toshkent, 2000-yil