Mabel Alvarez
| Mabel Alvarez | |
|---|---|
 | |
| Tavalludi |
28-noyabr 1891-yil Oahu, Gavayi Qirolligi |
| Vafoti |
13-mart 1985-yil (93 yoshda) Los-Anjeles |
| Taʼlimi | William Cahill tasvir va rassomlik maktabi |
| Kasbi | Rassom |
Mabel Alvarez (1891-yil 28-noyabr — 1985-yil 13-mart) amerikalik rassom[1]. Uning asarlari koʻpincha introspektiv va ruhiy xarakterga ega. Uning uslubi Janubiy Kaliforniya modernizmi va Kaliforniya impressionizmi harakatiga hissa qoʻshgan[2].
Hayoti[tahrir | manbasini tahrirlash]
U Gavayi orolidagi Oahu orolida kelib chiqishi ispaniyalik boʻlgan taniqli oilada tugʻilgan. Uning otasi, tibbiyot shifokori Luis F.Alvarez boʻlgan. Uning akasi Walter C.Alvarez ham keyinchalik oʻzini shifokor boʻlgan. Uning jiyani Luis Walter Alvarez (Walterning oʻgʻli) fizika boʻyicha Nobel mukofoti sovrindori edi. Alvares yoshligida oila Los-Anjelesga (Kaliforniya) koʻchib oʻtadi.
Alvarez yoshligida badiiy isteʼdodini namoyish etadi va 1915-yilda Los-Anjelesdagi Sanʼat talabalari ligasiga yoziladi. U San-Diegodagi Panama-Kaliforniya koʻrgazmasi uchun katta devor rasmini chizadi va buning uchun u Oltin medalni qoʻlga kiritadi. Alvares Los-Anjelesdagi William Cahillning tasvir va rassomlik maktabida oʻqidi.
Uning birinchi portret rasmi 1917-yilda Los-Anjeles muzeyida (hozirgi Los-Anjeles okrugi sanʼat muzeyi) namoyish etilgan. Yosh ayol sifatida u teosofiya va Sharq tasavvufining tamoyillarini qoʻllab-quvvatlagan Will Levington Comfortning falsafiy asarlaridan taʼsirlangan.
1919-yildagi koʻrgazmada Alvarez „Karmen“ nomli bolaning boshini tasvirlagani uchun uchinchi bor maxsus mukofotni qoʻlga kiritdi[3]. 1923-yilda u Los-Anjeles muzeyidagi bahorgi koʻrgazmada „Avtoportret“ asari uchun eng yaxshi figurali rasm uchun mukofotni qoʻlga kiritdi[4].
1920 va 1930-yillarda uning asarlari Sinxromistlar harakatining aʼzolari Stanton Macdonald-Wright va Morgan Russell tomonidan eʼtirof etiladi. 1922-yilda u Clarence Hinkle, Henri De Kruif, John Hubbard Rich, Donna Schuster, Roscoe Shrader, Edouard Vysekal va Luvena Buchanan Vysekallar bilan birga „Sakkizlik guruhi“ga aʼzo boʻldi. Ushbu „Sakkizlik guruhi“ Luvena Buchanan Vyeskal va Edouard Vyeskal tomonidan tashkil etilgan[5].
2001-yilda uning ishi Kaliforniyada, San-Xuan Kapistrano missiyasida namoyish etildi[6].
Alvarez oltmishinchi va yetmishinchi yillarida rasm chizgan. Uning asarlari impressionizm, shuningdek, figura, natyurmort va portret rasmlarini oʻz ichiga olgan. Uning oxirgi asarlari diniy va ramziy mavzularga qaratilgan[7].
Umrining oxirgi yillari qariyalar uyida oʻtdi. U 1985-yil 13-martda toʻqson uch yoshida Los-Anjelesda vafot etdi.
Adabiyotlar[tahrir | manbasini tahrirlash]
- Forbes, David W., "Encounters with Paradise: Views of Hawaii and its People, 1778–1941", Honolulu Academy of Arts, 1992, p. 247–248.
Manbalar[tahrir | manbasini tahrirlash]
- ↑ South, Will „About The Artist“. mabelalvarez.com.
- ↑ „Finding Aid“. Mabel Alvarez papers, 1898-1987. Archives of American Art (2011). Qaraldi: 2011-yil 15-iyun.
- ↑ American Art News (1919-yil 31-may).
- ↑ "Chicago Art Institute". The American Magazine of Art 14 (7): 392–394. 1923.
- ↑ Kirwin, Liza; Berman, Avis; Larsen, Susan C.; Karlstrom, Paul J. (1998). "Regional Reports". Archives of American Art Journal 38 (3/4): 47–59. doi:10.1086/aaa.38.3_4.1557783.
- ↑ Chang, Richard (Dec 17, 2000). "For Public Or Profit? VISUAL ARTS: An Exhibition at MIssion San Juan Capistrano Raises Ethical Questions.". Orange County Register.
- ↑ A., M.. Art Parade Reviewed. Los Angeles Times (1941-yil 10-avgust).