Kontent qismiga oʻtish

Labirintdagilar

Vikipediya, ochiq ensiklopediya
Labirintdagilar

Teatr nashri uchun poster
Rejissyor(lar) Wes Ball
Prodyuser(lar)
Ssenariynavis(lar)
Qaysi asarga
asoslangan		 The Maze Runner
–James Dashner
Rollarda
Bastakor(lar) John Paesano
Kinematografiya Enrique Chediak
Muharrir(lar) Dan Zimmerman
Studiya(lar)
Distribyutor 20th Century Fox
Chiqarilgan sanasi
  • 19-sentyabr, 2014-yil(2014-09-19) (AQSH)
Davomiyligi 113 daqiqa
Mamlakat AQSH bayrogʻi AQSh
Til inglizcha
Byudjeti $34 million[1][2]
Daromadi $348.3 million[1]

Labirintdagilar – James Dashnerning 2009-yildagi shu nomli romaniga asoslanib 2014-yilda Wes Ball tomonidan suratga olingan film. Ushbu film Labirintdagilar trilogiyasidagi ilk qism boʻlib, Ellen Goldsmith-Vein, Wyck Godfrey, Marty Bowen va Lee Stollman tomonidan taqdim etilgan. Ssenariy mualliflari Noah Oppenheim, Grant Pierce Myers va T.S Nowlin. Filmda bosh rollarni Dylan O'Brien, Kaya Scodelario, Thomas Brodie-Sangster, Willl Poulter va Patricia Clarkson ijro etgan. OʻBrien tomonidan gavdalantirgan oʻn olti yoshli Thomas oʻzini kimligini eslolmaydigan holatda zanglagan liftda uygʻonib, oʻzini ulkan labirint oʻrtasiga kelib qolganini tushunadi. U yerni koʻplab yigitlar Glade deb atab Gladerlar jamiyatini shakllantirib, doimiy ravishda oʻzgarib borayotgan labirintdan chiqish uchun harakat qilib kelishardi.

Labirintdagilar filmini suratga olish 2011-yil yanvar oyida Fox Dashnerning romaniga ekranlashtirish huquqlarini Gotham Group, Temple Hill Entertainment, TSG Entertainment prodyuserlar va Catherine Hardwicke rejissyor sifatida sotib olgach boshlangan edi. 2012-yil Ball janr voqealar jihatidan Labirintdagilar ga oʻxshash Ruin nomli qisqa metrajli animatsion filmga rejissorlik qilganligi uchun Labirintdagilar filmiga rejissorlik qilishga taklif etilgan. Filmni suratga olish Luiziana shtatining Baton-Ruj shahrida rasman 2013-yil 13-mayda boshlanib 2013-yil 12-iyulda yakunlangan.

Voqealar rivoji

[tahrir | manbasini tahrirlash]

Oʻsmir yigit oʻz shaxsiyatini eslay olmaydigan holatda yer osti liftida uygʻonib ulkan tosh devorlar bilan oʻrab olingan Glade deb ataladigan yashil oʻtloq maydonda boshqa yigitlar tomonidan kutib olinadi. Gladerlar ibtidoiy jamiyatni tashkil etib har biri turli vazifalarga biriktirilgan. Bola ularni oʻrab olgan keng labirintning yagona yoʻl ekanligini bilib oladi. Tong otganda yuguruvchilar labirint ichiga kirib ketib labirintdan chiqish yoʻlini qidirishadi va quyosh botarda kirish qism yopilishidan avval qaytib kelishadi. Gally bilan boʻlgan jangda boshini yerga qattiq urganidan keyin yigit ismi Thomas ekanligini eslaydi.

Thomasga tunda labirint ichida yuradigan biomexanik mavjudodlar Grieverlar dan biri sabab infeksiyalangan Ben hujum qiladi. Qolganlar Benni ushlab kun botishidan avval uni kasallanishiga davo yoʻq boʻlgani uchun labirint ichiga Grieverlar oʻldirib yuborishi uchun kirgizib yuborishadi.

Keyingi kun tongda Alby va Minho Benning ortidan ketishadi. Ammo oʻsha kuni quyosh botishidan avval Minho infeksiyalangan Albyni Glade tomon sudrab keladi. Thomas yordam berish uchun labirint ichiga kiradi va kirish yopilgani sabab uchchalaligi ham tuzoqqa tushadi. Labirintda Thomasni Griever quvlaydi va labirint yoʻnalishlarini oʻzgartirayotgan vaqtda Thomas Grieverni devorlar orasida qoldirib uni oʻldirishga muvaffaq boʻladi. Tunda uch yigit tirik qolishni uddaladi va ertasi kuni yana ortga qaytdi.

Yer osti liftida bir qiz qoʻlida „bu qiz Gladega kiradigan ohirgi odam boʻladi“ degan xat bilan keladi. U Thomasni taniydi ammo Thomasni oʻzi uni eslay olmaydi. Gally bu Gladerlar va Grieverlar orasidagi tinchlikni xavf ostiga qoʻygan deb hisoblaydi va uni jazolash kerak degan fikrni ilgari suradi. Ammo guruhning ikkinchi yoʻlboshchisi Newt Thomasni yuguruvchi etib tayinlaydi. Thomas, Minho, Frypan, Winston va Zart Griverning jasadini koʻzdan kechirish uchun uni oldiga borishadi va ichidan mehanik uskunani topib olishadi. Minho Thomasga avvalgi izlanishlar natijasida yasalgan labirint modelini koʻrsatib raqamlangan boʻlimlar ishlash tizimini tushuntiradi. Thomas Grieverdan chiqqan mehanik qurulmani bu boʻlimlarga bogʻliqligini tushunib yetadi.

Teresada 2 ta Griever zahariga qarshi ziddi zahar bor edi. Birini Albyda sinab koʻrishadi va u infeksiyadan tuzaladi. Thomas va Minho uskuna bilan labirintga kirib chiqish mumkin boʻlgan joyni topishadi ammo bir nechta tuzoqlar faollashgani sabab u yerni tark etishga majbur boʻlishadi.

Oʻsha kechada eshik yopilmasdan yana boshqa tomondan Grieverlar Gladega kirishlari uchun kirish qismlari ochiladi. Alby, Zart Clint va yana bir qancha Gladerlar halok boʻladi va Gally bularning barchasiga sababchi sifatida Thomasni aybdor qiladi. Kelganidan beri xotirasidan baʼzi narsalarni arang koʻrib yurgan Thomas butun xotirasini tiklash maqsadida Grieverdan olingan uskuna bilan oʻzini zararlaydi. U holatda Thomas Teresa bilan WCKD da birga ishlaganini va u yerda yigitlar yashirincha eksperiment qilinayotganini eslaydi. Uygʻonib barchasini ularga aytib beradi.

Gally boshqaruvni qoʻliga olib, Grieverlar bilan tinchlikni tiklash maqsadida Thomas va Teresani qurbon qilmoqchi boʻladi. Ammo bir nechta Gleyderlar ularni qutqarib, labirint tomon yoʻl olishadi, biroq Gally va yana bir qancha Gleyderlar ketishdan bosh tortadilar.

Turli qiyinchliklardan oʻtib, nihoyat Gladerlar jasadlar bilan toʻla laboratoriyaga kirishadi. Ekranda WCKD tadqiqotchisi Ava Paige quyosh chaqnashi oqibatida yer yuziga oʻlimga sabab boʻladigan Flare virusi tarqalganini tushuntirgan video yozuv chiqib turadi. Gladerlar bu virusga qarshi dori topilishda tajriba qilinganligini tushunishadi. Video soʻngida laboratoriyaga qurolli shaxslar bostirib kirganda Paige oʻzini otib tashlagani koʻrsatiladi. U yerni tark etishayotganda Grieverdan zararlangan Gally kelib Thomasga qarata toʻpponcha oʻqtalib ular hech qachon ozod boʻlmasligini aytadi. Minho Gallyga qarata nayza uloqtiradi ammo u allaqachon Thomasga qarata oʻq otgan boʻlib oʻq yoʻlini Chuck toʻsib qoladi. Thomas Chuckning jasadi ustida oʻtirganida qurollangan niqobli kishilar kelib ularni vertolyotga solib olib ketishadi. Vertolyot keng yoyilgan choʻl boʻylab uchib vayrona boʻlgan shahar tomon yaqinlashadi.

Keyinroq oʻzlarini oʻlgan qilib koʻrsatgan olimlar Paige bilan uchrashishadi. U eksperiment muvaffaqiyatli oʻtganini qayd qilib tirik qolganlar endi ikkinchi fazaga kirishlarini taʼkidlaydi.

Rollarda

[tahrir | manbasini tahrirlash]
Aktyor Rol
Dylan O'Brien Thomas Thomas
Kaya Scodelario Teresa Teresa
Aml Ameen Alby Alby
Thomas Brodie-Sangster Newt Newt
Ki Hong Lee Minho Minho
Will Poulter Gally Gally
Patricia Clarkson Ava Paige Ava Paige
Blake Cooper Chuck Chuck
Dexter Darden Frypan Frypan
Jacob Latimore Jeff Jeff
Chris Sheffield Ben Ben
Joe Adler Zart Zart
Randall D. Cunningham Clint Clint
Alexander Flores Winston Winston
Don McManus Niqoblangan askar Niqoblangan askar

 

Yaratilishi

[tahrir | manbasini tahrirlash]

2011-yil 4-yanvarda 20th Century Fox, rejissori Catherine Hardwicke orqali James Dashnerning Labirintdagilar asarini ekranlashtirish huquqini qoʻlga kiritgani eʼlon qilingan[3]. 2012-yil 23-avgust, filmda rejissyor sifatida Wes Ball, prodyuser sifatida Gotham Group ishlashi tasdiqlangan[4]. Ball Ruin nomli animatsion ilmiy-fantastik qisqa metrajli filmni suratga olib, 20th Century Fox ga 3D formatida taqdim qilgan[5].

Suratga olish jarayoni

[tahrir | manbasini tahrirlash]

Filmni suratga olish Luiziana shtatining Baton-Ruj shahrida 2013-yil 13-may kuni[6] rasman boshlanib, 2013-yil 12-iyulda yakunlangan[7]. Filmning montaj esa ishlari 2014-yil iyun oyida yakunlangan.

Soundtrack

[tahrir | manbasini tahrirlash]

John Paesano tomonidan filmga ishlangan soundtrack 21 taronadan iborat boʻlib, 2014-yil 16-sentyabr ommaga taqdim etilgan[8].

Namoyish etilishi

[tahrir | manbasini tahrirlash]

Film asli 2014-yil 14-fevralda premyera qilinishi kerak boʻlgan[9], ammo baʼzi sabalarga koʻra 2013-yil 5-oktyabrda film taqdimoti keyinga qoldirilgani eʼlon qilindi[10]. 2014-yil 19-sentyabr film IMAX kinoteatrlari orqali ommaga taqdim qilindi[11].

Qabul qilinishi

[tahrir | manbasini tahrirlash]

Film Shimoliy Amerikada 102,427,862 dollar, dunyoning boshqa hududlarida 245.8 million dollar, jami hisoblaganda 348.3 million dollar sof daromad qildi[12].

AQSh va Kanadada premyera qilinishidan oldin, tahlilchilar samarali marketing va xalq orasida tezda shov-shuvlarga sabab boʻlganligi uchun filmni yaxshi daromad keltirishini tahmin qilishgan. Dastlabki maʼlumotlarga koʻra film ochilishi Shimoliy Amerikada 30-32 million dollar mablagʻ bilan boshlanishi mumkin edi[13][14][15][16]. Fandango kino-chiptalar veb-saytiga koʻra Labirintdagilar filmi eng koʻp sotilgan film boʻlib, premyera oldi chiptalar sotuvining 50% dan ortigʻini tashkil etgan[17]. Film 2014-yil 19-sentyabrda AQSh va Kanadada 3604 ta joyda va 350 dan ortiq IMAX kinoteatrlarida namoyish etilgan[18][19]. Film 1,1 million dollar Payshanba oqshom namoyishlari[20] orqali, 11,25 million dollar ochilish kunida daromad qilgan[21]. Film ochilish haftasida 32,5 million dollar daromad qilgan boʻlsa, shundan 9 foizi IMAX kinoteatrlari orqali kelib tushgan[22]. Ochilish haftasidagi daromadi sabab sentyabrda taqdim etilgan filmlar orasida 7-oʻrin[23][24], katta yoshlilar kitobiga asoslangan filmlar boʻyicha 18-oʻrinni egalladi[25]. Film Shimoliy Amerika namoyishlarida jami 102 272 088 dollar ishlab AQSH va Kanadada 2014-yilning eng koʻp daromad keltirgan filmlari roʻyxatida 26-oʻrinni egalladi[26].

Mukofotlar va nominatsiyalar roʻyxati
Yil Mukofot Turkum Nomzod(lar) Natija
2014-yil IFMCA mukofotlari[27] Ekshn/sarguzasht/triller janri uchun eng yaxshi film John Paesano Davogarlik qildi
2015-yil MTV kino mukofotlari[28] Eng keskin namoyish Dylan OʻBrayen Gʻolib
Eng yaxshi jang Dylan OʻBrayen va Will Poulter Gʻolib
Eng yaxshi qahramon Dylan OʻBrayen Gʻolib
Eng yaxshi qoʻrqinchli spektakl Dylan OʻBrayen Davogarlik qildi
Teen Choice mukofotlari[29] Tanlangan film: Ekshn/sarguzasht The Maze Runner Davogarlik qildi
Tanlangan film: Breakout Star Thomas Brodie-Sangster Davogarlik qildi
Tanlangan film: Kimyo Dylan OʻBrien va Thomas Brodie-Sangster Davogarlik qildi
Tanlangan kino aktyori: Ekshn/sarguzasht Dylan OʻBrayen Davogarlik qildi
Tanlangan kino aktrisasi: Ekshn/sarguzasht Kaya Skodelario Davogarlik qildi
Jahon Soundtrack mukofotlari[30] Jamoat tanlovi mukofoti John Paesano Gʻolib
2016-yil Nickelodeon Kids' Choice mukofotlari[31] Sevimli Kitob James Dashner Davogarlik qildi

Manbalar

[tahrir | manbasini tahrirlash]
  1. ↑ 1,0 1,1 „The Maze Runner (2014)“. Box Office Mojo (2014-yil 19-sentyabr). 2019-yil 26-iyulda asl nusxadan arxivlangan. Qaraldi: 2015-yil 3-fevral.
  2. ↑ Bahr, Lindsey (September 18, 2014). „Box office preview: Maze Runner teens prepare to battle Liam Neeson“. Entertainment Weekly. December 21, 2014da asl nusxadan arxivlandi. Qaraldi: September 24, 2014.
  3. ↑ Zeitchik. „Young-adult sensation The Maze Runner gets ready to run the movie gantlet (Updated)“. The Los Angeles Times (2011-yil 4-yanvar). 2012-yil 14-noyabrda asl nusxadan arxivlangan. Qaraldi: 2012-yil 5-fevral.
  4. ↑ Fleming. „Fox Sets Wes Ball To Helm 'Maze Runner'“. Deadline (2012-yil 23-avgust). 2021-yil 4-dekabrda asl nusxadan arxivlangan. Qaraldi: 2021-yil 4-dekabr.
  5. ↑ „Director Wes Ball Talks How He Landed the Job, Finding His Cast, Mixing LORD OF THE FLIES with LOST, and More on the Set of THE MAZE RUNNER“. collider.com (2014-yil 3-may). 2014-yil 6-oktyabrda asl nusxadan arxivlangan. Qaraldi: 2014-yil 5-oktyabr.
  6. ↑ „Maze Runner Movie Set“. jamesdashner.com. 2014-yil 24-sentyabrda asl nusxadan arxivlangan. Qaraldi: 2014-yil 12-sentyabr.
  7. ↑ „The Maze Runner Movie Release Date, News, and Updates: 2 New Clips Released in Anticipation of The Premiere“. hallels.com. 2014-yil 13-sentyabrda asl nusxadan arxivlangan. Qaraldi: 2014-yil 12-sentyabr.
  8. ↑ „The Maze Runner [Original Motion Picture Soundtrack“]. AllMusic. 2016-yil 15-martda asl nusxadan arxivlangan. Qaraldi: 2016-yil 4-mart.
  9. ↑ Fleming. „Tweets Lead Blake Cooper To Maze Runner Role“. Deadline (2013-yil 23-aprel). 2014-yil 27-avgustda asl nusxadan arxivlangan. Qaraldi: 2016-yil 25-may.
  10. ↑ „Fault in Our Stars Gets Release Date, Maze Runner Pushed Back - ComingSoon.net“ (2013-yil 5-oktyabr). 2014-yil 6-oktyabrda asl nusxadan arxivlangan. Qaraldi: 2020-yil 17-aprel.
  11. ↑ Vlessing, Etan. „Imax to Release Fox's The Maze Runner“. The Hollywood Reporter (2014-yil 26-avgust). 2014-yil 27-avgustda asl nusxadan arxivlangan. Qaraldi: 2014-yil 27-avgust.
  12. ↑ „The Maze Runner (2014)“. The Numbers. 2020-yil 20-noyabrda asl nusxadan arxivlangan. Qaraldi: 2015-yil 8-sentyabr.
  13. ↑ Busch. „Box Office Friday: Maze Runner Over $30M; Liam's Leisurely Walk To 224M; Where I Leave You Stays Put At No. 3“. Deadline Hollywood (2014-yil 20-sentyabr). 2014-yil 21-sentyabrda asl nusxadan arxivlangan. Qaraldi: 2014-yil 21-sentyabr.
  14. ↑ Mendelson, Scott (September 20, 2014). „Box Office: Maze Runner Sprints To 231.25M Friday, $30M+ Weekend“. Forbes. November 11, 2020da asl nusxadan arxivlandi. Qaraldi: September 21, 2014.
  15. ↑ Khatchatourin, Maane (September 20, 2014). „Box Office: Maze Runner Outpaces Liam Neeson on Way to $31 Million Debut“. Variety. November 12, 2020da asl nusxadan arxivlandi. Qaraldi: September 21, 2014.
  16. ↑ Subers. „Friday Report: Maze Runner Quick Out of the Gate“. Box Office Mojo (2014-yil 20-sentyabr). 2019-yil 28-mayda asl nusxadan arxivlangan. Qaraldi: 2014-yil 21-sentyabr.
  17. ↑ Pomerantz, Dorothy (September 19, 2014). „Does The Maze Runner Mark The Beginning Of The End Of The YA Movie Craze?“. Forbes. March 11, 2018da asl nusxadan arxivlandi. Qaraldi: September 21, 2014.
  18. ↑ Lang, Brent (September 17, 2014). „Box Office: Maze Runner Will Outrace Walk Among the Tombstones“. Variety. November 12, 2020da asl nusxadan arxivlandi. Qaraldi: September 19, 2014.
  19. ↑ Busch. „Box Office Preview: Maze Runner To Put Tombstones In Ground; This Is Where I Leave You Debuts“. Deadline Hollywood (2014-yil 18-sentyabr). 2019-yil 5-dekabrda asl nusxadan arxivlangan. Qaraldi: 2014-yil 19-sentyabr.
  20. ↑ Busch. „Box Office Late Nights: Maze Runner Off To Good Start With 29.1M, Tombstones Takes In $480K“. Deadline Hollywood (2014-yil 19-sentyabr). 2020-yil 12-noyabrda asl nusxadan arxivlangan. Qaraldi: 2014-yil 19-sentyabr.
  21. ↑ Busch. „Box Office Friday: Maze Runner Over $30M; Liam's Leisurely Walk To 314M; Where I Leave You Stays Put At No. 3“. Deadline Hollywood (2014-yil 20-sentyabr). 2014-yil 21-sentyabrda asl nusxadan arxivlangan. Qaraldi: 2014-yil 20-sentyabr.
  22. ↑ Mendelson, Scott (September 21, 2014). „Box Office: Maze Runner Races To $32.5M Weekend, Kevin Smith's Tusk Bombs“. Variety. November 12, 2020da asl nusxadan arxivlandi. Qaraldi: September 21, 2014.
  23. ↑ Busch. „Box Office Sunday: Maze Runner Finds $32.5M; Liam's Walk Limps In; Where I Leave You No. 3“. Deadline Hollywood (2014-yil 21-sentyabr). 2014-yil 21-sentyabrda asl nusxadan arxivlangan. Qaraldi: 2014-yil 21-sentyabr.
  24. ↑ „Top Opening Weekends by Month“. 2019-yil 26-iyulda asl nusxadan arxivlangan. Qaraldi: 2014-yil 23-sentyabr.
  25. ↑ „Young-Adult Book Adaptations (Opening Weekends)“. 2019-yil 28-mayda asl nusxadan arxivlangan. Qaraldi: 2014-yil 25-sentyabr.
  26. ↑ „2014 Domestic Grosses“. Box Office Mojo. 2019-yil 21-iyulda asl nusxadan arxivlangan. Qaraldi: 2014-yil 31-dekabr.
  27. ↑ „IFMC Awards 2014“. IFMCA: the International Film Music Critics Association (2015-yil 20-fevral). 2020-yil 31-oktyabrda asl nusxadan arxivlangan. Qaraldi: 2016-yil 10-iyul.
  28. ↑ Boardman. „MTV Movie Awards Winners 2015: Complete List“. Us Weekly (2015-yil 12-aprel). 2016-yil 4-iyunda asl nusxadan arxivlangan. Qaraldi: 2016-yil 26-may.
  29. ↑ „2015 Teen Choice Award Winners – Full List“. Variety. Penske Media Corporation (2015-yil 16-avgust). 2016-yil 10-yanvarda asl nusxadan arxivlangan. Qaraldi: 2015-yil 17-avgust.
  30. ↑ World Soundtrack Awards. „Winners of the 15th World Soundtrack Awards“. World Soundtrack Academy (2015-yil 24-oktyabr). 2016-yil 24-oktyabrda asl nusxadan arxivlangan. Qaraldi: 2024-yil 16-fevral.
  31. ↑ „Kids' Choice Awards 2015: The Complete Winners List“. The Hollywood Reporter (2015-yil 28-mart). 2016-yil 9-fevralda asl nusxadan arxivlangan. Qaraldi: 2016-yil 26-may. 
"https://uz.wikipedia.org/w/index.php?title=Labirintdagilar&oldid=4531615" dan olindi