Komil Ferxanov

Komil Ferxanov
Shaxsiy maʼlumot
Toʻliq ismi	Komil Abdulboriyevich Ferxanov
Tavallud sanasi	5-sentyabr 1964-yil
Tavallud joyi	Dushanbe, Tojikiston SSR, Sovet Ittifoqi
Vafot sanasi	17-iyun 2021-yil ; (56 yoshda)
Vafot joyi	Ulyanovsk, Rossiya
Boʻyi	1.70 m
Ampluasi	Hujumchi, yarim himoyachi
Yoshligida aʼzo boʻlgan klublar
1979—1980	ROSM (Dushanbe)
1981	Pomir
Professional faoliyati*
Yillar	Jamoa
1982—1985	Pomir
1986	FC Iskra Smolensk
1987	Pomir
1987	Vaxsh (Qoʻrgʻontepa)
1988	FC Iskra Smolensk
1989	Xoʻjand Leninobod
1990—1991	Regar Tursunzoda
1992	Navbahor
1992—1996	FC Turbostvroitel Kaluga
1997	GBK Kokkola
1998—1999	Volga Ulyanovsk
2002—2003	Istra (Kaluga)
	*Professional klublardagi gollari (ichki chempionat)

Vikipediyada ismi Komil va familiyasi Ferxanov boʻlgan boshqa kishilar haqida ham maqolalar mavjud.

Komil Abdulboriyevich Ferxanov (1964-yil 5-sentyabr, Dushanbe — 2021-yil 17-iyun, Ulyanovsk) — sovet va rus futbolchisi, hujumchi va yarim himoyachi.

Biografiyasi

Dushanbe futboli tarbiyalanuvchisi. 1982-yilda u „Pomir“ jamoasi tarkibida birinchi ligada debyut qildi, ammo toʻrt mavsumda bor-yoʻgʻi 21 ta oʻyinda maydonga tushib, asosiy oʻyinchiga aylana olmadi. U Tojikiston SSR yoshlar terma jamoasida oʻynagan, 1983-yilda Krossing turnirining ramziy jamoasiga kirgan, ushbu turnirning ikki karra gʻolibi hisoblanadi (1980, 1983)^[1].

Keyinchalik u Smolenskning „Iskra“ va „Vaxsh“ (Qoʻrgʻon-tepa) jamoalarida oʻynadi. 1987-yilda u Dushanbening „Pomir“ jamoasiga qaytidi, biroq bor-yo‘g‘i bitta kubok o‘yinida maydonga tushdi. SSSR chempionatining soʻnggi mavsumlarida u „Xoʻjand“ va „Regar-TadAZ“ jamoalarida SSSR ikkinchi ligasida oʻynadi va yuqori oʻyin koʻrsatishi bilan ajralib turdi. 1990-yilgi mavsumda 19 ta, 1991-yilgi mavsumlarda esa 22 ta gol urgan.

SSSR parchalanganidan soʻng u Oʻzbekiston Oliy ligasi vakili Namanganning „Navbahor“ jamoasiga oʻtdi. Mustaqil Oʻzbekiston chempionatining birinchi mavsumida 19 ta oʻyin oʻtkazib, ikkita gol urdi. Komil Oliy ligada toʻp surgan dastlabki legioner futbolchilardan bir boʻldi. 1992-yil mavsum soʻngida u Rossiya chempionatiga koʻchib oʻtdi va birinchi liganing „Turbostroitel“ (Kaluga) jamoasiga oʻtdi. Kaluga jamoasi safida besh yil oʻynadi. Jamoasi safida 100 dan ortiq oʻyin oʻtkazdi. 1995-yilda u 11 ta gol bilan uchinchi liga zona turnirining eng yaxshi toʻpurari boʻldi. 1997-yilda „GBK Kokkola“ jamoasi uchun Finlandiya ikkinchi divizionida oʻynagan. Ulyanovsk „Volga“ futbolchining soʻnggi professional klubiga aylandi.

Shaxsiy hayoti

Futbolchilik faoliyatini tugatgandan soʻng, u Ulyanovskda yashagan, biznes bilan shugʻullangan. Uylangan, ikki qizi bor edi.

U 2021-yil 17-iuyn kuni Ulyanovskda futbol oʻynab yurganida yurak xurujidan vafot etdi^[2].

Manbalar

↑ Futbol! i tolko futbol!^{[sayt ishlamaydi]}
↑ „С футболом до последнего. Ушёл из жизни известный нападающий Камиль Ферханов“. 2021-yil 17-iyunda asl nusxadan arxivlangan. Qaraldi: 2021-yil 17-iyun.

Havolalar

Komil Ferxanov FootballFacts.ru saytida (ruscha)

[1] Futbol! i tolko futbol!^{[sayt ishlamaydi]}

[2] „С футболом до последнего. Ушёл из жизни известный нападающий Камиль Ферханов“. 2021-yil 17-iyunda asl nusxadan arxivlangan. Qaraldi: 2021-yil 17-iyun.

[1]

[2]