Karim Toʻlaganov
| Karim Alimshanovich Toʻlaganov | |
|---|---|
| Shaxsiy maʼlumotlari | |
| Jinsi | Erkak |
| Fuqaroligi |
 Oʻzbekiston |
| Tavallud sanasi |
27-avgust 1973-yil Toshkent viloyati, Oʻzbekiston SSR |
| Sport | |
| Qaysi sport | Boks |
| Medallar | |
 , “Mehnat shuhrati” | |
| Sport mukofotlari | ||
|---|---|---|
| Olimpiya oʻyinlari | ||
| Bronza | Atlanta 1996 | 71 kg gacha |
| Osiyo chempionati | ||
| Bronza | Toshkent 1995 | 71 kg gacha |
| Markaziy Osiyo oʻyinlari | ||
| Bronza | Toshkent 1995 | 71 kg gacha |
Karim Alimshanovich Toʻlaganov (1973-yil 27-avgust, Toshkent viloyati) —oʻrta vazn toifasidagi oʻzbek bokschi, 1990-yillarda Oʻzbekiston terma jamoasida ringga tushgan. Atlantadagi yozgi Olimpiya oʻyinlarining bronza medali sovrindori, Markaziy Osiyo oʻyinlari chempioni, Osiyo chempionatining bronza medali sovrindori, milliy chempionatning koʻp karra gʻolibi va sovrindori. 1999-2002 yillarda ikkinchi oʻrta vazn toifasida u professional darajada boks bilan shugʻullangan, ammo hech qanday maxsus yutuqlarga erishmagan holda deyarli barcha janglarida magʻlub boʻlgan. “Oʻzbekiston Respublikasida xizmat koʻrsatgan sportchi”[1] faxriy unvoni, sportdagi ulkan yutuqlari uchun “Mehnat shuhrati”[2] ordeni bilan taqdirlangan..
Tarjimai hol[tahrir | manbasini tahrirlash]
Karim Toʻlaganov 1973-yil 27-avgustda Toshkent viloyatida tugʻilgan. U “Paxtakor” stadioni qoshidagi ixtisoslashtirilgan olimpiya zahiralari bolalar va oʻsmirlar sport maktabida[3] boks bilan jiddiy va faol shugʻullana boshlaydi, Feliks Pak, Hasan Muhamedov kabi professional bokschilar qoʻl ostida boks sirlarini oʻrganadi. U ilk bor 1995-yilda Toshkentda boʻlib oʻtgan Markaziy Osiyo oʻyinlarida oʻrta vazn toifasida oltin medalni qoʻlga kiritib, keyinchalik Tailandda oʻtkazilgan Osiyo chempionatida bronza medalini qoʻlga olishga muvaffaq boʻladi va birinchi marta jahon miqyosida shuhrat qozongan. 1996-yilda Oʻzbekiston chempionligini qoʻlga kiritdi va bir qator muvaffaqiyatli ringga tushishlaridan soʻng 1996-yilda Atlantada boʻlib oʻtgan yozgi Olimpiada oʻyinlarida amerikalik Devid Ridga yutqazib, yarim finalgacha yetib borib, mamlakat sharafini himoya qilish huquqini qoʻlga kiritdi. Ammo u Rid tomonidan magʻlub etiladi.
Ushbu musobaqalar tugagach, Toʻlaganov yana bir necha yil turli xalqaro turnirlarda milliy terma jamoa sharafini himoya qildi, biroq soʻnggi paytlarda munosib natijalar koʻrsata olmaydi. Uning havaskor boksdagi soʻnggi yutugʻi 1999-yilda qoʻlga kiritgan Oʻzbekiston chempionatining kumush medali boʻldi[4]. Karim Toʻlaganov milliy terma jamoani tark etgach, sportchi oʻzini professional ringda sinab koʻrishga qaror qildi, ikki yil davomida u ikkinchi oʻrta vazn toifasida bir nechta jang oʻtkazdi, ammo deyarli barchasida magʻlub boʻldi, shuning uchun 2002-yilda u nihoyat ringni tark etdi. Ayni kunda Karim Toʻlaganov zahiradagi leytenant hisoblanib, boks musobaqalariga hakam sifatida taklif qilinmoqda[5].
Manbalar[tahrir | manbasini tahrirlash]
- ↑ Указ Президента Республики Узбекистан от 25 avgust 2000 года № УП-2704 «О награждении в связи с девятой годовщиной независимости Республики Узбекистан группы работников науки, здравоохранения, культуры, просвещения, средств массовой информации и общественных сфер
- ↑ Указ Президента Республики Узбекистан от 16 avgust 1996 года № УП-1506 «О награждении группы спортсменов и спортивных тренеров республики
- ↑ „Кузница чемпионов — Официальная хроника“. Правда Востока (2012-yil 11-iyul). 2016-yil 4-martda asl nusxadan arxivlangan. Qaraldi: 2013-yil 16-aprel.
- ↑ „Карим Туляганов“. new.ziyonet.uz. 2013-yil 22-aprelda asl nusxadan arxivlangan. Qaraldi: 2013-yil 16-aprel.
- ↑ Анастасия Калинкина. „VII международный турнир по боксу“. agmk.uz (2012-yil 27-avgust). Qaraldi: 2013-yil 16-aprel.
Havolalar[tahrir | manbasini tahrirlash]
- Karim Tulaganov - Boxrec.com