Jang klubi

Vikipediya, ochiq ensiklopediya
Jang Klubi
Fight Club
Rejissor David Fincher
Ssenariynavis(lar) Chuck Palahniuk
Rollarda
Bastakor Dust Brothers
Ishlab chiqaruvchi
kompaniyalar
Twentieth Century Fox
Reliz sanasi 1999
Davomiyligi 2:19 daqiqa
Mamlakat AQSH bayrogʻi AQSh
Til inglizcha
Daromad $100.853.753 million dollar

Jang Klubi (Inglizcha: Fight Club), Chuck Palahniuk romani asosida suratga olingan shu nomdagi mashhur film. 1999-yilda David Fincher tomonidan suratga olinadi. Ushbu kartinada Brad Pitt, Edward Norton ve Helena Bonham Carter kabi taniqli aktyor hamda aktrisalar bosh roʻllarda oʻrin egallashgan. Film musiqasi Dust Brothers tomonidan tayyorlanadi. Jang klubi filmi AQShda 37.030.102$, dunyo boʻylab esa 63.823.651$, jami 100.853.753 dollar miqdorida foyda koʻradi.[1] Ushbu film 2000-yilda „Eng yaxshi ovoz effekti nominatsiyasi“ga nomzod sifatida koʻrsatiladi. 2001-yilning noyabrida ushbu nominatsiya boʻyicha Brit mukofotiga sazovar boʻladi.[2] Film qoʻlga kiritgan muvaffaqiyatlardan soʻng muxlislari tomonidan maxsus kompyuter oʻyini ham ishlab chiqiladi. Ammo bu foyda koʻrishga moʻljallangan faoliyat sifatida film ijodkorlari tomonidan qoralanadi.

Film mavzusi[tahrir | manbasini tahrirlash]

Chuck Palahniukning asari asosidagi bu filmda oʻzgacha fikr sohibi boʻlgan, shu bilan birga avtomabil fermasida ishlab kelayotgan bir erkakning hayoti asosiy mavzu qilib koʻrsatiladi. Hamma kabi odatiy hayot kechirib kelayotgan Jack xronik uyqusizlikdan aziyat cheka boshlaydi. Oilasi va yaqin doʻstlari boʻlmagan Jack doktorning tavsiyasi bilan saraton kasalligiga chalingan bemorlarning doimiy guruhiga qoʻshiladi. Bu yigʻilishlarga qatnab yurganda, Marla ismli bir qiz bilan tanishib qoladi. Marla Jack kabi kasal boʻlmasa ham bu kabi doimiy yigʻilishlarda ishtirok etib kelardi. Jack va Marlaning munosabatlari faqat isteʼmolchiga aylanib qolgan jamiyatning illatlarini ochib beradi. Filmda Jack va u kabi yashab kelayotgan millionlab avlod vakillarining allaqachon „oʻlimga“ yuz tutgani ochib beriladi. Doimiy ish sayohatdan qaytib kelgan Jack uyining yonib kul boʻlganiga guvoh boʻladi. Bunday sharoitda kimsasiz Jack sayohat vaqtida tanishgan Tylerga qoʻngʻiroq qilishdan boshqa chora topolmaydi. Ikkisi oʻtirib pivoxoʻrlik qilishganidan soʻng, Tyler Jackdan unga musht tushurishini soʻraydi. Ular oʻrtasida roʻy bergan janjal ikkisining ham hayotini oʻzgartirib yuboradi. Biroz vaqtdan keyin Jack Tylerning yoniga koʻchib oʻtadi. Tez orada Tylerning liderligida yangi jang klubi tashkil qilinadi. Klub qoidalariga koʻra ularning soni ellik kishidan oshmasligi kerak edi. Bu yerga toʻplanadigan erkaklar har kecha jang uyushtirishni odat qilishadi. Qisqa muddat ichida ommalashib ketgan bu jang klubi aʼzolari orasida Tyler goʻyo „yoʻqotilgan avlod“ vakillarining masihiga aylanadi. Tyler va Jackning jamiyatda yuz berayotgan haqsizliklarga noroziligi koʻplab insonlar tomonidan qoʻllab-quvvatlana boshlanadi. Kapitalizmga asoslangan jamiyatda oʻzini begona his qilgan insonlar bu klubga aʼzo boʻla boshlashadi va kun sayin „Jang klubi“ning aʼzolar soni ortib boradi. Bu vaqtga kelib Jack Tylerning undan yashirincha „Qiyomat rejasi“ tuzganidan xabar topadi. Bundan tashqari Tylerning Jackni yolgʻiz qoldirib ketishi uni qattiq dahshatga tushiradi. Tylerni topish uchun uchratishi mumkin boʻlgan barcha shaharlarni kezib chiqadi. Jack oʻzi borgan shaharlarining barchasida „Jang klubi“ning qanchalik ildiz otganiga guvoh boʻladi. Va bu haqida politsiyaga aytib beradi. Ammo bu politsiyachilar „Jang klubi“ning aʼzosi boʻlib chiqadi. Film soʻngida „Qiyomat rejasi“ amalga oshadi. Rejaga koʻra markaziy bank portlatib yuboriladi va shu tariqa millionlab insonlar oʻz hayotini qarzsiz boshlashi uchun zamin yaratiladi.

Manbalar[tahrir | manbasini tahrirlash]

  1. "Boxofficemojo.com Hasılat Detayları". 11 Kasım 2006 tarihinde kaynağından arşivlendi. Erişim tarihi: 4 Eylül 2006.
  2. Fight club songs /ımdb. 12 Haziran 2021 tarihinde kaynağından arşivlendi. Erişim tarihi: 17 Haziran 2021