Ivan Huklek
| Ivan Huklek | |
|---|---|
| Shaxsiy maʼlumotlari | |
| Fuqaroligi |
 Xorvatiya |
| Tavallud sanasi | 12-noyabr 1996-yil |
| Boʻyi | 1.80 m |
| Sport | |
| Mamlakat | Xorvatiya |
| Qaysi sport | Yunon-rum kurashi |
| Klubi | Sesvete |
| Murabbiy(lar)i | Slavko Benchich |
Ivan Huklek (1986-yil 12-noyabrda tugʻilgan) — xorvatiyalik sportchi. Sportning yunon-rum kurashi turi boʻyicha musobaqalarda ishtirok etadi. Olimpiya oʻyinlari ishtirokchisi.
Faoliyati
[tahrir | manbasini tahrirlash]2007-yilda Zagrebdagi „Sesvete“ klubida Slavko Benchich murabbiyligi ostida kurash bilan shugʻullana boshlagan. 2016-yilda faoliyatidagi dastlabki muvaffaqiyatga erishgan. Ruminiyaning Buxarest shahrida oʻtkazilgan Yevropa chempionatida bronza medalini qoʻlga kiritgan[1]. 2017-yil noyabr oyida Polshaning Bydgoszcz shahrida oʻtkazilgan 23 yoshgacha boʻlgan sportchilar oʻrtasidagi jahon chempionatining finalida vengriyalik Erik Szilvássyga magʻlub boʻlgan va ikkinchi oʻrinni qoʻlga kiritgan[2]. 2018-yil iyulda Turkiyaning Istanbul shahrida oʻtkazilgan U23 Yevropa chempionatida ishtirok etgan. Finalda ozarbayjonlik Islam Abbasovga imkoniyatni boy bergan va kumush medal sohibiga aylangan[3]. 2019-yilda Serbiyaning Novi Sad shahrida oʻtkazilgan 23 yoshgacha boʻlgan sportchilar oʻrtasidagi Yevropa chempionatida bronza medalini qoʻlga kiritgan[4]. 2019-yil iyun oyining soʻngida Minsk shahridagi Yevropa oʻyinlarining bronza medalini qoʻlga kiritgan. Bronza medali uchun vengriyalik Viktor Lőrinczga qarshi bahs olib borgan. 2021-yilning may oyida Sofiya shahrida boʻlib oʻtgan saralash musobaqasida gʻalaba qozongan va olimpiada yoʻllanmasini qoʻlga kiritgan[5]. Olimpiadaging yarim finaligacha boʻlgan yoʻlda amerikalik John Stefanowicz (5:3) va oʻzbekistonlik Rustam Assakalovni (4:1) magʻlub etgan. Yarim finalda ukrainalik Jan Belenyukka 1:7 hisobida magʻlub boʻlgan. Bronza medal uchun kechgan bahsda Serbiya sharafini himoya qilgan gruziyalik sportchi Zurabi Datunashviliga magʻlub boʻlgan va 5-oʻrinni egallagan[6].
2024-yilgi olimpiya oʻyinlariga yoʻllanma beruvchi saralash musobaqasida qatnashgan. Birinchi bosqichdayoq magʻlub boʻlgan va olimpiya oʻyinlariga yoʻllanmani qoʻlga kirita olmagan[7].
Manbalar
[tahrir | manbasini tahrirlash]- ↑ „Первенство Европы по борьбе среди юниоров-2016“. 2021-yil 11-oktyabrda asl nusxadan arxivlangan. Qaraldi: 2021-yil 11-oktyabr.
- ↑ „Первенство мира до 23 лет — 2017“. 2021-yil 11-oktyabrda asl nusxadan arxivlangan. Qaraldi: 2021-yil 11-oktyabr.
- ↑ „Ислам Аббасов стал чемпионом Европы по борьбе — ВИДЕО“. 2021-yil 11-oktyabrda asl nusxadan arxivlangan. Qaraldi: 2021-yil 11-oktyabr.
- ↑ „Первенство Европы по спортивной борьбе до 23 лет-2019“. 2021-yil 11-oktyabrda asl nusxadan arxivlangan. Qaraldi: 2021-yil 11-oktyabr.
- ↑ „Tokyo-202One: в греко-римской борьбе полный комплект лицензий только у кубинцев“. 2021-yil 11-oktyabrda asl nusxadan arxivlangan. Qaraldi: 2021-yil 11-oktyabr.
- ↑ „Wrestling Results Book“. 2020 Summer Olympics. 2021-yil 7-avgustda asl nusxadan arxivlangan. Qaraldi: 2021-yil 8-avgust.(ingl.)
- ↑ „2024 European Wrestling Olympic Qualification Tournament Results Book“. United World Wrestling. 2024-yil 8-aprelda asl nusxadan arxivlangan. Qaraldi: 2024-yil 8-aprel.