Dündar Bey madrasasi
Dündar Bey madrasasi (turkcha: Dündar Bey Medresesi), shuningdek, Taş Medrese („Tosh madrasa“) deb ham ataladi, Turkiyaning Eğirdir shahridagi tarixiy madrasadir. Madrasa oʻrta asrlarda bunyod etilgan islomiy taʼlim muassasasi hisoblanadi. 1960-yillarda u qayta tiklangan va hozirda bozor sifatida foydalanilmoqda[1].
Joylashuvi[tahrir | manbasini tahrirlash]
Madrasa binosi Isparta viloyatining ilche (tuman) Eğirdir shahrida joylashgan.
Tarixi[tahrir | manbasini tahrirlash]
Madrasa asoschisi Hamidoʻgʻli Anadolu beyligidan Dündar Bey edi. Oʻsha davrning boshqa beyliklari kabi Anadolu saljuqiylarining soʻnggi bosqichida paydo boʻlgan. Uning syuzerini Moʻgʻullar imperiyasi edi. Beylikning poytaxti Eğirdir, hozir kurort shahri, keyin esa muhim shahar boʻlgan. Madrasa taxminan 1301-yilda qurilgan. Dündar keyinchalik moʻgʻullar tomonidan oʻldirilgan boʻlsa-da, uning oʻgʻillari 1391-yilda Usmonlilar istilosiga qadar beylikni davom ettirishga muvaffaq boʻlishdi.
Bino[tahrir | manbasini tahrirlash]
Madrasa 1301-yilda qurilgan. U endilikda yoʻq boʻlib ketgan shahar devorlariga tutash boʻlgan. Bu ikki qavatli bino boʻlib, ikkita ayvan va ochiq monastirdan tarkib topgan. Unda ikkita yozuv bor. Ayvondagisi Dündar bey haqida, ikkinchisi esa toj darvozasidagi Dündarning zamondoshi boʻlmagan saljuqiylar sultoni Keyhusrev II (1237-1246) haqidadir. Darvoza Eğirdirga yaqin sulton tomonidan qurilgan sobiq karvonsaroydan keltirilgan. Bino tarkibida Vizantiya ustunlari kabi boshqa mamalakatlardan toʻplangan materiallar ham mavjud[2].