Boris Gelfand (reanimatolog)

Boris Ruvimovich Gelfand
Tavalludi	11-may 1942-yil Toshkent Oʻzbekiston SSR
Vafoti	18-aprel 2017
Fuqaroligi	SSSR va Rossiya
Sohasi	anesteziologiya, reanimatsiya
Taʼlimi	I.M.Sechenov nomidagi Birinchi Moskva tibbiyot instituti
Mukofotlari	Rossiya Federatsiyasining xizmat ko'rsatgan shifokori

Boris Ruvimovich Gelfand (1942-yil 11-may, Toshkent, Oʻzbekiston SSR — 2017-yil 18-aprel, Moskva, Rossiya Federatsiyasi) — sovet va rus reanimatologi, N.I.Pirogov nomidagi Rossiya Davlat tibbiyot universiteti anesteziologiya va reanimasiya kafedrasi mudiri, Rossiya Tibbiyot fanlari akademiyasining akademigi (2011-yil). Rossiya Fanlar akademiyasining akademigi (2013-yil). RSFSR Davlat mukofoti laureati (1990-yil).

Biografiyasi

U 1965-yilda I.M.Sechenov nomidagi Birinchi Moskva tibbiyot institutini tamomlaydi.

Boris Gelfand 1970-yilda nomzodlik dissertasiyasini, 1986-yilda esa “Septik shok” mavzusida doktorlik dissertasiyasini himoya qiladi, bu uzoq vaqt davomida ko‘plab mutaxassisliklar shifokorlari uchun jarrohlik sepsis diagnostikasi va davolash bo‘yicha fundamental ishlardan biri edi.

U N.I.Pirogov nomidagi Rossiya davlat tibbiyot universitetining anesteziologiya va reanimasiya kafedrasi mudiri hamda I.M.Sechenov nomidagi Moskva tibbiyot akademiyasining anesteziologiya va reanimasiya kafedrasida o‘rindosh sifatida professor bo‘lib ishlagan.

Boris Gelfand 2005-yilda Rossiya tibbiyot fanlari akademiyasining muxbir a’zosi, 2011-yilda Rossiya tibbiyot fanlari akademiyasining akademigi etib tayinlanadi. 2013-yilda esa u Rossiya tibbiyot fanlari akademiyasi(RTFA) va Rossiya xalq xo'jaligi va davlat boshqaruvi akademiyasi (RXXDBA) Rossiya Fanlar akademiyasi (RFA)ga qo‘shilishi doirasidagi qayta tashkil etish natijasida u Rossiya Fanlar akademiyasining akademigi bo‘ladi.

Ilmiy faoliyati

Boris Gelfand anesteziolog va intensiv davolash bo‘yicha mutaxassis.

U sepsis va septik shok masalalarini o‘rganishda katta hissa qo‘shgan, anesteziologiya va reanimatologiya yo‘nalishlarini rivojlantirishda kashshof, ilmiy maktab asoschisi sanaladi.

Uning 720 dan ortiq ilmiy nashrlari, shu jumladan 36 ta monografiya muallifi. Professor rahbarligida 18 ta doktorlik va 65 ta nomzodlik dissertasiyalari himoya qilinadi.

Rossiya jarrohlik infeksiyalari bo‘yicha mutaxassislar assosiasiyasi vise-prezidenti, Rossiya Federasiyasi anesteziologlar va reanimatologlar federasiyasi boshqaruvi prezidiumi a’zosi, Butunrossiya jarrohlar jamiyati boshqaruvi a’zosi.

Mukofot va unvonlar

• RSFSR Davlat mukofoti (1990-yil) 
• Jarrohlikdagi yiringli-septik kasalliklar va asoratlarni tashxislash va davolashning yangi texnologiyalarini ishlab chiqish va klinik amaliyotga joriy etgani uchun — Rossiya Federasiyasi Hukumatining fan va texnika sohasidagi mukofoti (2002-yil)
• Moskvada olgan tibbiyot sohasi bo‘yicha mukofot (2007-yil) 
• Akademik V.I.Burakovskiy nomidagi mukofot (2009-yil) 
• Rossiya Federasiyasida xizmat ko‘rsatgan shifokor (1998-yil)

Havolalar

• Gelfand Boris Ruvimovich Rossiya Fanlar akademiyasining rasmiy veb-saytida