Bobur koʻchasi (Toshkent)
 | |
| Umumiy maʻlumotlar | |
|---|---|
| Mamlakat | Oʻzbekiston |
| Shahar | Toshkent |
| Tuman | Yakkasaroy |
| Uzunligi | 4.3 km |
| Avvalgi nomlari |
Teatr koʻchasi Bogdan Xmelnitskiy koʻchasi |
| Kim sharafiga nomlangan | Bobur |
| Koʻchada joylashgan binolar |
Toshkent bosh plani loyihalash va ilmiy tadqiqot instituti Doʻstlik bogʻi Saudiya Arabistonining Oʻzbekiston Respublikasidagi elchixonasi Aleksandr Pushkin haykali |
Bobur koʻchasi — Yakkasaroy tumanida, Beshyogʻoch maydoni bilan Aeroport maydoni oraligʻida joylashgan koʻcha. Uzunligi 4,3 km.
Tarixi[tahrir | manbasini tahrirlash]
Ko'chaga hoir va sarkarda Bobur nomi berilgan. Bobur koʻchasi 1954-yilgacha Teatr koʻchasi, 1991-yilgacha Bogdan Xmelnitskiy koʻchasi deb atalgan. Toshkentdagi aeroportga olib boruvchi asosiy koʻchalardan biri. XX asrning 30-yillarida Toshkent toʻqimachilik mashinasozligi zavodi qurilayotganda yuzaga kelgan. Keyinroq koʻcha yoʻnalishida maʼmuriy va turar joy binolari qurilgan. 1967-yil aeroport yaqinida yoʻloʻtkazgich-koʻprik qurilgan. 2008-yil noyabrda ushbu koʻprik tubdan qayta rekonstruksiya qilindi[1].
Mustaqillik yillarida koʻchaning Boʻrijar kanalidan oʻtish qismidagi koʻprik yangilandi, koʻcha kengaytirilib, trotuarlari koʻkalamzorlashtirildi. Koʻchaning boshidan oxirigacha archa ekilgan.
Binolar[tahrir | manbasini tahrirlash]
Koʻcha yoʻnalishida Respublika baynalmilal madaniyat markazi, Toshkent bosh plani loyihalash va ilmiy tadqiqot instituti, poliklinika, „Baxt uyi“, „Tabassum“ restoran-toʻyxonasi, Koʻzi ojizlar jamiyati, Bobur nomidagi madaniyat va istirohat bogʻi (hozirgi Doʻstlik bogʻi[2]), Saudiya Arabistonining Oʻzbekiston Respublikasidagi elchixonasi, Aleksandr Pushkin haykali, „Oʻzbekengilsanoat“ kompaniyasi, „Saodat“ savdo majmuasi, savdo va maishiy xizmat koʻrsatish shoxobchalari bor.
Koʻcha yaqinida Toshkent pedagogika universiteti (hozirgi Toshkent davlat oʻzbek tili va adabiyoti universiteti), Yakkasaroy tumani hokimiyati, Mehnat va aholini ijtimoiy muhofaza qilish vazirligi, Toshkent toʻqimachilik va yengil sanoat instituti, Beshyogʻoch va „Askiya“ dehqon bozorlari joylashgan.
Gallireya[tahrir | manbasini tahrirlash]
-
Koʻchadagi Pushkin haykali -
Koʻchadagi Alisher Navoiy haykali -
-
-
Yana qarang[tahrir | manbasini tahrirlash]
Manbalar[tahrir | manbasini tahrirlash]
- ↑ Toshkent. Ensiklopediya, 2009-yil.
- ↑ „Bobur bog‘i Do‘stlik bog‘i deb nomlanadi“. Gazeta.uz.