Bashar al-Assad

Vikipediya, ochiq ensiklopediya
Bashar Hafez al-Assad
Bashar al-Assad
Mansabda boʻlgan yillari
17-iyul 2000-yildan – 2012-yil 11-noyabrgacha

Tavalludi

11-sentabr, 1965-yil(1965-09-11)
Suriya bayrogʻi Suriya, Damashq
Siyosiy partiya BAAS
Turmush oʻrtogʻi en:Asma al-Assad

Bashar Hafez al-Assad (arab. بشار حافظ الأسد Baššār Ḥāfiẓ al-ʾAsad,) Suriya Prezidenti. 1965-yil 11-sentabrda tugʻilgan.

Biografiyasi[tahrir]

Bashar al-Assad otasi mamlakat oliy rahbariga aylanishidan roppa-rosa besh yil oldin, 1965-yilda poytaxt Damashqda dunyoga kelgan. Besh farzandning uchinchisi boʻlgan Basharning bolaligi shohona oʻtgan. Suriyaning boʻlajak rahbariga nisbatan atrofdagilarning eʼtibori kamroq edi. Hammaning ogʻzida uning akasi Basel boʻlib, xarizmatikasi, oʻziga ishonganligi bilan aynan u Hafezning vorisi sifatida koʻrilardi. Bashar esa uyatchan va siyosatga qiziqmasdi.[1]

Bashar oʻrta maktabni 1982-yilda tamomladi va harbiy doktor boʻlishga qaror qildi. Maqsadini amalga oshirish uchun Londondagi Western Eye Hospitalning oftalmologiya fakultetiga yoʻl oldi.

1994-yilda Basharning hayoti butunlay oʻzgarib ketadi, akasi Basel avtoxalokatda vafot etadi. Endilikda butun eʼtibor xech kim kutmagan vorisga qaratiladi. Baselning dafn marosimi tugashi bilanoq Basharning prezidentlikka tayyorgarlik davri boshlanadi: u harbiy akademiyaga joylashadi va marhum akasining ofisida ishlay boshlaydi.

Hafez al-Assad ham 2000-yil 10-iyunda vafot etadi. 34 yoshli boʻlajak prezidentning oldida bir muammo paydo boʻladi: hokimiyatni qonuniy egallash uchun uning yoshi yetmas edi. Buning imkoni tez orada topiladi, parlament prezidentlikka nomzodning yoshini 34 yoshgacha minimallashtiradi. Ana shundan soʻng „adolatli“ saylovlar oʻtkaziladi va 2007-yilda Suriya xalqi Bashar al-Assadni yana bir bor „qayta saylaydi“.

Prezident boʻlishini xech kim tahmin qilmagan Bashar davlatni shu paytgacha qoyillatib boshqarolmadi. Koʻpchilikning fikricha, unda marhum akasidagidek xarizma va ishonch yetishmaydi. 1983-yildagi davlat toʻntarishi amalga oshmay mamlkatdan qochib ketgan Basharning amakisi Rifat jiyani haqida CNNga shunday degandi: „Bashar rejim uning nomidan nimaga qaror qilsa, faqat shunga ergashadi.“

Balki Bashar al-Assaddan yaxshi doktor mumkin edi, lekin u yaxshi davlat rahbari boʻlolmagani aniq. U haqida Suriyaning sobiq Bosh Vaziri Abdul Halim Haddam shunday deydi: „Siz erta tongda u bilan nimanidir muhokama qilishingiz va ikklangiz bir qarorga kelishingiz mumkin, lekin tushdan soʻng boshqa birov kelib, uning fikrini oʻzgartirib ketishi juda oson.

Toʻsatdan kelgan oliy lavozim va uning uquvsizligi Suriyani yomon ahvolga boshlab keldi. Bashar al-Assadning harakatlaridan, u mamlakatni saqlab qolish uchun emas, balki oʻz jonini saqlab qolish uchun kurashishni payqash mumkun. Bashar xech qachon prezident boʻlishga harakat qilmagandi, odamlar ham uni boʻlajak rahbar sifatida koʻrishmasdi. Barcha tahminlar haqiqat boʻlib chiqdi: Bashar al-Assad „yaxshi“ diktator boʻlolmadi.

Havolalar[tahrir]

  1. SURIYAGA SAYOHAT