Auditor
Auditor (lotincha: audiotor — tinglovchi, oʻquvchi; inglizcha: auditor) — malaka sertifikatiga ega boʻlgan jismoniy shaxs[1]. Agar auditor auditorlik tashkilotining shtatida turgan boʻlsa yoki auditorlik tashkiloti u bilan fuqarolik — huquqiy tusdagi shartnoma tuzgan boʻlsa, u auditorlik tekshiruvini oʻtkazishga jalb etilishi mumkin.
Auditor auditorlik tekshiruvini sifatsiz oʻtkazganligi, tijorat sirini oshkor etganligi hamda boshqa xatti-harakatlari oqibatlarida auditorlik tashkilotiga zarar yetkazganligi uchun qonun hujjatlariga muvofiq auditorlik tashkiloti oldida javobgar boʻladi. Auditor malaka serifikati jismoniy shaxsga, basharti u auditorlik tashkiloti shtatida boʻlsa yoki u bilan auditorlik tashkiloti fuqarolik-huquqiy tusdagi shartnoma tuzgan boʻlsa, auditorlik tekshiruvini amalga oshirish huquqini beradi.
Manbalar[tahrir | manbasini tahrirlash]
- ↑ Toychiyev, N., ed (2009). "Auditor". Oʻzbekiston yuridik ensiklopediyasi. Toshkent: „Adolat“ nashriyoti. p. 32.
 |