Ashtarxon xonligi

Vikipediya, ochiq ensiklopediya
Jump to navigation Jump to search

Ashtarxon xonligi (Astraxon xonligi) – Oltin O‘rdaning inqirozi natijasida vujudga kelgan davlat. Poy-taxti – Ashtarxon shahri (hozirgi Astraxon). 14-asrda Oltin O‘rda amiri Hoji Cher-kas Ashtarxon shahrini bosib olib, uni alohida mulkka aylantirgan, taxminan 1459–60 yillarda esa bu mulk uzil-kesil mustaqil bo‘lib olgan. Ashtarxon xonligi ning birinchi hukmdori – Katta O‘rda xoni Ahmadning birodari Mahmud bo‘lgan. Xonlikning taxminan hududi: sharqda No‘g‘ay O‘rdagacha, janubida Terek, g‘arbda Kuban va Don daryolarigacha, shimolida Saroy shahrigacha. Aholisi turkiyzabon qabilalardan iborat bo‘lib, 833asosan ko‘chmanchi chorvachilik, qisman baliq ovlash, ovchilik va dehqonchilik bilan shug‘ullangan. Ashtarxon yaqinidan tuz qazib olingan. 1556 yil Ashtarxon xonligi rus qo‘shinlari tomonidan bosib olingan.

Adabiyotlar[tahrir]

  • OʻzME. Birinchi jild. Toshkent, 2000-yil