Arktika havosi

Vikipediya, ochiq ensiklopediya
Jump to navigation Jump to search

Arktika havosi – Arktika ustida shakllanadigan havo massasi. Temperaturasi past (+6° dan – 60° gacha), namligi kam (yiliga 75 – 400 mm yogʻin yogʻadi), shaffofligi yuqori, chunki yezda quyosh pastda boʻlganidan yerni unchalik isitmaydi, bugʻlanish oz boʻlganidan mutlaq namlik kam. Siklon jarayoni taʼsirida ancha quyi kengliklarga ham yoyilib, u yerlarni sovitib yuborishga olib keladi. Arktika havosi harakatlanib, Oʻrta dengizga, Oʻrta Osiyo va Sibir tekisliklariga ham yetishi mumkin, lekin uni togʻ tizmalari (Alp, Kavkaz togʻlari va boshqalar) tutib qoladi. Arktika havosi quyi kengliklarda harakatlanganda undan pastdagi sirtning qandayligiga qarab xossalari oʻzgarib turadi[1].

Manbalar[tahrir]

  1. OʻzME. Birinchi jild. Toshkent 2000-yil

Havolalar[tahrir]