Andijon universiteti

Vikipediya, ochiq ensiklopediya
Jump to navigation Jump to search

Zahiriddin Muhammad Bobur nomidagi Andijon davlat universiteti o‘z tarixini 1931-yildan boshlaydi. Avval Farg‘ona pedagogika insituti filiali, 1939-yilda o‘qituvchilar instituti, so‘ngra 1953-yildan Andijon davlat pedagogika instituti bo‘lib, Vatanimiz mustaqillikni qo‘lga kiritgach, 1992-yil 28 fevralda O‘zbekiston Respublikasi Prezidentining farmoni bilan Andijon davlat pedagogika instituti Andijon davlat universitetiga aylantirilgan.

Andujan state university

Bugungi kunda universitetda filologiya, tabiatshunoslik va geografiya, tarix va ijtimoiy fanlar, boshlang‘ich taʼlim, fizika-matematika, xorijiy tillar, pedagogika, boshlang‘ich taʼlim metodikasi hamda jismoniy madaniyat kabi 8 ta fakultetda 31 ta kafedra ishlab turibdi.

Universitetda 25 ta bakalavriat taʼlim yo‘nalishida 6897 nafar, 13 ta magistratura mutaxassisliklarida 149 nafar talaba taʼlim olmoqda.

Universitetda 524 nafar (shu jumladan 196 nafar ayol) professor-o‘qituvchilar yoshlarga bilim berib, yuqori malakali kadrlar tayyorlash ishlariga o‘zlarining munosib hissalarini qo‘shib kelmoqdalar.

So‘nggi-yillarda universitetning ilmiy salohiyati sezilarli ko‘tarildi. Universitetda 31 nafar fan doktori, professor, 151 nafar fan nomzodi, dotsentlar ishlaydi. Katta ilmiy xodim-izlanuvchilik institutida 13 nafar tadqiqotchi ilmiy izlanishlar bilan band.

ASU lesson

Professor-o‘qituvchilar tomonidan 2013-yil davomida 13 ta monografiya, 2 ta darslik, 84 ta o‘quv qo‘llanma, 184 ta ilmiy maqola (ulardan 35 tasi xorijda) va 694 ta o‘quv-uslubiy majmualar tayyorlandi.

Bugungi kunda 67 nafar professor-o‘qituvchi va 30 nafar talaba moliyalashtirilgan ilmiy tadqiqot ishlarida ishtirok etib kelmoqdalar. Ular tomonidan o‘tgan 2013-yil davomida davlat grantlari bo‘yicha 222 million 828 ming so‘mlik, xo‘jalik shartnomalari bo‘yicha 40 million 700 ming so‘mlik ilmiy tadqiqot ishlari bajarildi. Shuningdek TEMPUS loyihasi doirasida 10000 AQSh dollariga teng chet el granti bo‘yicha ishlar bajarildi.

Universitetning moddiy texnika bazasi tobora mustahkamlanib bormoqda. Hozirda 6 ta o‘quv binosidagi o‘quv auditoriyalari soni 260 tani tashkil etadi va 7000 nafardan ortiq talabaga mo‘ljallangan (bu o‘quv jarayonini bir smenada olib borishga yetarli). O‘quv-laboratoriya xonalarining umumiy maydoni 45883 kv.metr bo‘lib, bir talabaga to‘g‘ri keladigan foydali maydon 6,7 kv.metrni tashkil etadi.

Andijan state university2

2 ta axborot-resurs markazi, 26 ta kompyuter xonasi, 954 dona kompyuter, 2000 o‘ringa mo‘ljallangan 6 ta talabalar turar joyi, 910 o‘ringa ega bo‘lgan 6 ta oshxona, 2 ta bufet, 13 ta ochiq va 3 ta yopiq sport maydonlarining barchasi talabalar uchun bo‘lib, ularning yuksak maʼnaviyatli, bilimdon, har tomonlama yetuk kadrlar bo‘lib yetishishiga xizmat qilmoqda.

Adabiyotlar[tahrir]

  • OʻzME. Birinchi jild. Toshkent, 2000-yil