Andijon adirlari

Vikipediya, ochiq ensiklopediya
Jump to navigation Jump to search
Andijonsoy vodiysi Andijon adirlarida

Andijon adirlari (Beshbo‘z adirlari) – Farg‘ona vodiysining janubi-sharqidagi qirlar. G‘arbda Shahrixonsoy va sharqda Andijonsoy oralig‘ida. Mutlaq balandligi 700– 1000 m va undan ba-land. Nisbiy balandligi 200 – 400 m. Andijon adirlari yuqori neogen va to‘rtlamchi davr jinslari: konglomerat, gil, qumtosh, mergelli qumloq, shag‘al va boshqalardan tashkil topgan. Ayrim joylarda adirlarning tub jin-slari qalin lyossimon yotqiziqlar bilan qoplangan. Tuzilishi jihatidan adirlar qisqa antiklinal burmalardan iborat. Markaziy qismida baland ko‘tarilgan qadimgi yuzalar mavjud, chekkalarida yoshroq yuzalar bo‘lib, ular bir-birlaridan tik erozion yon bag‘irlar bilan ajralgan.Andijon adirlari ni quruq soy va jarlar bo‘lib yuborgan. Qiya yon bag‘irlarida ba’zan tuproq qatlami butunlay yo‘q, ayrim joylarda tub jinslar yuzasi ochilib qolgan. Tipik bo‘z tuproqlar tarqalgan. Asosan efemerlar o‘sadi, ba’zi yerlarida lalmi dehqonchilik qilinadi.

Adabiyotlar[tahrir]

  • OʻzME. Birinchi jild. Toshkent, 2000-yil