Aland orollari

Vikipediya, ochiq ensiklopediya
Jump to navigation Jump to search

Aland orollari, Axvenanma – Boltiq dengizida, Botnik qo‘ltig‘iga kiraverishda; 6,5 mingdan ortiq granit orol (bal. 132 m gacha) va qoyalardan iborat. Finlyandiya tarkibida. Maydoni 1,5 ming km². Aholisi 25 ming kishi chamasida. Yer yuzasi sertepa. Iqlimi mo‘’tadil, dengiz iqlimi. Yillik yog‘in 550 mm. Aralash o‘rmonlar, butazorlar va o‘tloqlar bor. Baliq ovlanadi, dengiz ku-rortlari mavjud. Aland orollari 1809 yilgacha Shvesiya tasarrufida, so‘ngra (1917 yil dekabrgacha) Rossiya hukmronligida bo‘lgan. 1921 yilda Millatlar Ligasi Kengashi Fin-lyandiyaning Aland orollari ustidan suverenitetini tan oldi. 1921 yilgi Jeneva konvensiyasiga muvofiq Aland orollari demilitarizatsiya qilingan. Ikkinchi jahon urushidan so‘ng yangidan demilitarizatsiya qilindi (1947).

Adabiyotlar[tahrir]

  • OʻzME. Birinchi jild. Toshkent, 2000-yil