Al-Mansur masjidi
| Masjid | |
Al-Mansur masjidi
Masjid Jami Al-Mansur | |
 | |
| Mamlakat |  Indoneziya
|
| Shahar | Jakarta |
| Koordinatalar | 6°08′46.5″S 106°48′22.8″E / 6.146250°S 106.806333°E G OKoordinatalari: 6°08′46.5″S 106°48′22.8″E / 6.146250°S 106.806333°E G O |
| Yoʻnalishi | sunniy |
| Asoschi | Raden Abdulmalik |
| Asosiy sana: 1717-yil
| |
Al-Mansur masjidi (indonezcha: Masjid Jami Al-Mansur) Indoneziyaning Jakarta shahridagi eng qadimiy masjidlardan biri. Masjid Jembatan Lima koʻchasi Tambora tumani Jakarta shahrida joylashgan. Masjid Jakartaning madaniy meros obyektlari roʻyxatiga kiritilgan[1]. Masjid nomi X.Muhammad Mansur sharafiga Guru Mansur deb atalgan. Muhammad Mansur Gollandiya mustamlakachilik qoidalariga qarshi kurashi bilan tanilgan betaviy shaxsdir.
Tarixi[tahrir | manbasini tahrirlash]
Shahzoda Cakrajaya Adiningrat deb ham ataladigan Raden Abdumalik ushbu masjidni 18-asrda (milodiy 1717-yil) ibodat qilish, shuningdek, bosqinchilarga qarshi jamiyatning ruhiy tarbiyasini shakllantirish uchun qurdirgan. Ilgari Jami Kampung Savah nomini olgan ushbu masjid X.Muhammad Mansur boshchiligida golland va yaponlarga qarshi Indoneziya mustaqilligi uchun kurash vaqtida muhim rol oʻynagan. 1947-1948-yillarda millatchi kuchlar va NICA askarlari oʻrtasida qurolli toʻqnashuv boʻlib oʻtdi, oʻshanda Mansur endi eskirgan masjidga oʻxshagan minoralarga oq-qizil bayroq oʻrnatmoqchi boʻlgan. Muhammad Mansur 1967-yil 12-mayda vafot etadi, masjid Jome al-Mansyur masjidi deb nomlanadi. Bu masjid viloyat hokimining 1972-yil 10-yanvardagi 11/1/12/72 (Davlat gazetasi No 60/1972[2]) sonli qarori bilan madaniy meros obyektlar roʻyxatiga kiritilgan.
Arxitekturasi[tahrir | manbasini tahrirlash]
Masjidning eng qadimiy binosi boʻlgan asosiy zali 12 by 14.40 metr (39.4 ft × 47.2 ft) maydonga ega. Binoning koʻzga tashlanadigan elementi – oʻrtadagi toʻrtta mustahkam ustunidir. Ustunlarning pastki qismi sakkiz burchakli boʻlib, uning ustida bufer, qoʻngʻiroq pelleti tekis joylashtirilgan. Asosiy ustun (markazda) yumaloq shaklda boʻlib, naqshlar bilan bezatilgan. Yuqori qism toʻrtburchak koʻrinishda yakunlangan. Toʻrtta ustunlar orasidagi yarim balandlikda koʻtarilgan markaziy zalga olib boradigan ikkita zinapoya joylashtirilgan. Zinapoyalar oʻng tomonda 55 centimetr (22 in) lik, chap tomonda 80 centimetr (31 in) lik baland panjara bilan oʻralgan. Bu masjidning tomi limasan shaklida bir-biriga yopishgan holda ishlangan. Qadimgi masjid oldidagi yangi xonada joylashgan minora silindrsimon shaklda boʻlib, balandligi 12 metr (39 ft) ni tashkil etadi. Minoraning toʻrtinchi va beshinchi qismida temir toʻsiqli ayvon joylashgan. Minoraning tomi yarim doira shakldagi gumbazga ega[3].
Yana qarang[tahrir | manbasini tahrirlash]
Manbalar[tahrir | manbasini tahrirlash]
- ↑ „Masjid Jami al-Mansyur, Kampung Sawah Lio - Jakarta“. Qaraldi: 2017-yil 12-avgust.
- ↑ „Kisah Tuan Guru Mansur dan Masjid Berusia 300 Tahun di Jakarta Barat“. Kumparan. Qaraldi: 2017-yil 12-avgust.
- ↑ „Masjid Al Mansyur: Aksi Nekat di Atas Menara“. Kompasiana. Qaraldi: 2017-yil 12-avgust.