AQSh Energetika vaziri

Jennifer Granholm
AQSh Energetika vaziri
Mansab davri 2021-yil 25-fevral dan beri
Oʻtmishdoshi	James Schlesinger

AQSh Energetika vaziri AQSh Energetika Vazirligi boshligʻi, AQSh Vazirlar Mahkamasi aʼzosi va prezidentlikka nomzodlikda oʻn beshinchi oʻrinda turadi. Bu lavozim 1977-yil 1-oktyabrda Prezident Jimmi Karter Energiya ishlab chiqarish departamenti toʻgʻrisidagi qonunni imzolab, boʻlimni tashkil qilganida yaratilgan. Energetika vaziri va ushbu vazirlik dastlab energiya ishlab chiqarish va toʻgʻri ishlatilishini tartibga solishga eʼtibor qaratdi. Vazirlik tashkil topganidan soʻng asosiy eʼtibor energetika boʻyicha taʼlim bilan bir qatorda yaxshiroq va samaraliroq energiya manbalardan foydalanish uchun texnologiyalarni ishlab chiqishga qaratildi. Sovuq urush tugagandan soʻng, vazirlikning eʼtibori radioaktiv chiqindilarni yoʻq qilish va atrof-muhit tozaligini saqlashga qaratildi.

Sobiq mudofaa vaziri Jeyms Shlesinger birinchi energetika vaziri lavozimida ishlagan. AQSh prezidenti Jimmi Karter tomonidan bu lavozimga koʻrsatilgan vazirlik xodimi sifatida Shlesingerning tayinlanishi, prezident tomonidan bu lavozimga boshqa siyosiy partiya aʼzosini tayinlanishi edi. Shlesinger ham lavozimidan ozod etilgan yagona vazir hisoblanadi. Bill Klintonning energiya boʻyicha birinchi vaziri Hazel O'Liri bu lavozimni egallagan birinchi ayol va birinchi afro-amerikalik edi. Energetika vaziri lavozimida ishlagan birinchi ispaniyalik Klintonning ikkinchi energetika vaziri Federiko Penya edi. Spenser Abraham 2001-yilning 20-yanvarida Jorj Bush davrida xizmat qilgan birinchi arab amerikalik boʻldi. Stiven Chu 2009-yilning 20-yanvarida prezident Barak Obama davrida bu lavozimni egallagan birinchi osiyolik boʻldi. Chu, shuningdek, eng uzoq vaqt xizmat qilgan energetika vaziri va Nobel mukofotini olganidan keyin Vazirlar Mahkamasi tarkibiga kirgan birinchi shaxs edi.