2012-yil fenomeni

Vikipediya, ochiq ensiklopediya

2012-yil fenomeni esxatologik fenomen boʻlib, 2012-yil 21-dekabr kuni kataklizm yoki keskin oʻzgarishlar sodir boʻlishiga ishonchlarda namoyon boʻladi.[1][2][3] Ushbu sana Maya taqvimida „4-Ajau, Tunning 9-ilohi, 3-Kank’in, 1-Kaban yil“ nomi bilan atalib, 5125 yillik sikl oxiri sifatida belgilangan.[4] Bu sanaga turli astronomik tizilish va numerologik formulalar aloqador qilib koʻrsatiladi, biroq ularning hech biri akademik fan tomonidan qabul etilmagan.

New Age harakati tafsiriga koʻra 2012-yil 21-dekabridan boshlab Yer va uning aholisi fizik yoki ruhiy transformatsiyani boshidan kechirishi mumkin.[5] Boshqalarning fikricha bu kuni dunyo yakuni yoki shunga oʻxshash halokat roʻy beradi. Ehtimoliy ssenariylarga Quyosh maksimumi, Yer va ulkan qora tuynuk oʻzaro taʼsiri[6] yoki Yer va Nibiru nomli gipotetik sayyora toʻqnashuvi kiradi.

Turli sohalar olimlari bu farazlarni asossiz, deb baholashadi. Mayashunos tarixchilar Maya solnomalarida qiyomat haqida eslatilmagan, deyishadi.[3][7][8] Astronomlar va boshqa olimlar bu farazlarni soxta fan, deb rad etishadi.[9]

Manbalar[tahrir]

  1. Robert K. Sitler (February 2006). "The 2012 Phenomenon: New Age Appropriation of an Ancient Mayan Calendar". Novo Religio: the Journal of Alternative and Emergent Religions (Berkeley: University of California Press) 9 (3): 24–38. doi:10.1525/nr.2006.9.3.024. ISSN 1092-6690. OCLC 357082680. 
  2. Sacha Defesche (2007). 'The 2012 Phenomenon': A historical and typological approach to a modern apocalyptic mythology.. skepsis. 29 April 2011.
  3. 3,0 3,1 G. Jeffrey MacDonald (27 March 2007). "Does Maya calendar predict 2012 apocalypse?". USA Today. http://www.usatoday.com/tech/science/2007-03-27-maya-2012_n.htm. Qaraldi: 14 October 2009. 
  4. 2012 Maya Calendar Mystery and Math, Surviving Yucatan
  5. Benjamin Anastas (1 July 2007). "The Final Days" (reproduced online, at KSU). The New York Times Magazine (New York: The New York Times Company): Section 6, p.48. http://ksuweb.kennesaw.edu/~tkeene/apwhAnastasThe%20(Mayan)%20Final%20Days.htm. Qaraldi: 18 May 2009. 
  6. 2012: Shadow of the Dark Rift. NASA (2011). 28 October 2012.
  7. David Stuart, The Order of Days: The Maya World and the Truth about 2012, Harmony Books, 2011
  8. David Webster (25 September 2007). The Uses and Abuses of the Ancient Maya (PDF). Penn State University. 14 October 2009.
  9. 2012: Beginning of the End or Why the World Won't End?. NASA (2009). Asl nusxadan arxivlandi (22 February 2011). 26 February 2011.

Havolalar[tahrir]