Vladimir Chernikov
| Vladimir Lvovich Chernikov | |
|---|---|
| Shaxsiy maʼlumotlari | |
| Jinsi | erkak |
| Fuqaroligi |
 SSSR→ Oʻzbekiston→ Rossiya |
| Tavallud sanasi | 3-avgust 1959-yil |
| Sport | |
| Qaysi sport | yengil atletika |
| Klubi | Burevestnik |
Vladimir Lvovich Chernikov (1959-yil, 3-avgust) – sovet va oʻzbek yengil atletikachisi, uch hatlab sakrash boʻyicha mutaxassis. 1981—1994-yillarda SSSR va Oʻzbekiston terma jamoalari sharafini himoya qilgan, Butunittifoq chempionatlari gʻolibi va sovrindori, uch hatlab sakrash boʻyicha Oʻzbekiston rekordchisi, Milan shahrida boʻlib oʻtgan yopiq inshootlardagi Yevropa chempionati, Buxarestdagi Universiada va boshqa yirik xalqaro musobaqalar ishtirokchisi.
Hayoti[tahrir | manbasini tahrirlash]
Vladimir Chernikov 1959-yil 3-avgustda tugʻilgan.
Toshkent shahridagi „Burevestnik“ sport klubida yengil atletika bilan shugʻullanishni boshlagan. U birinchi marta uch hatlab sakrash dasturida 1979-yilgi mavsumda Donetskdagi musobaqada 16,19 ball bilan gʻolib boʻlgan. 1980-yilda Moskvadagi musobaqada sakkizinchi oʻrinni egalladi. 1981-yilda Tallinda boʻlib oʻtgan Butunittifoq turnirida kumush medalni qoʻlga kiritdi. Talabalik davrida Buxarestdagi Butunjahon Universiadasida Sovet Ittifoqi sharafini himoya qildi va finalda 16,53 metrga sakrab, yettinchi oʻrinni oldi. Bir qator muvaffaqiyatli chiqishlari tufayli Chernikov Sovet terma jamoasiga kirdi va Milanda boʻlib oʻtgan yopiq inshootlardagi Yevropa chempionatida qatnashdi. U uch hatlab sakrash dasturida 16,32 metr natija koʻrsatdi va yakunda yettinchi oʻrinni egalladi.
1983-yilda Moskvada boʻlib oʻtgan SSSR xalqlarining VIII yozgi Spartakiasida beshinchi oʻrinni oldi. 1984-yilda Donetskda boʻlib oʻtgan SSSR chempionatida uch hatlab sakrash dasturida bronza medalini qoʻlga kiritdi. 1985-yilda Leningradda boʻlib oʻtgan SSSR chempionatida u ikki marta Oʻzbekiston SSR rekordini yangiladi (17,22 va 17,35 metr) va birinchi urinishlardan keyin peshqadam boʻldi oldi. Lekin yakunda toʻrtinchi oʻrinni egallab, sovrindorlar roʻyxatiga kira olmadi. 1986-yilda Xelsinkidagi Jahon oʻyinlarida uchinchi, Donetskdagi musobaqada esa toʻrtinchi oʻrinni egalladi. 1987-yilda Penza shahrida boʻlib oʻtgan SSSR qishki chempionatida oʻzining shaxsiy rekordini 17,35 metrga yangilab, kumush medalni qoʻlga kiritdi. Shuningdek, Bryansk, Tallin, Novosibirsk, Nankin, Xanchjoudagi turnirlarda ham barcha raqiblaridan ustun keldi. 1988-yilda Volgogradda oʻtkazilgan SSSR qishki chempionatida bronza medalini qoʻlga kiritgan boʻlsa, Odessadagi musobaqada uch hatlab sakrash boʻyicha Oʻzbekistonning amaldagi rekordini yangiladi (17,36 metr).
1989-yilda Gomeldagi SSSR qishki chempionatida bronza medali sovrindori boʻldi. Chernikov 1990-yilda Bolgariyada, 1991-yilda Vengriyada, 1992-yilda Qozogʻistonda boʻlib oʻtgan xalqaro turnirlarda gʻoliblikni qoʻlga kiritdi. Sovet Ittifoqi parchalanganidan keyin Chernikov ancha faollashdi va Oʻzbekiston terma jamoasi tarkibida yirik xalqaro musobaqalarda qatnashishda davom etdi. 1994-yilda Xirosimadagi Osiyo oʻyinlarida Oʻzbekiston sharafini himoya qildi va 16,23 metrga sakrab, yakunda oltinchi oʻrinni egalladi.
Chernikov Oʻzbekistonda yengil atletika boʻyicha murabbiy boʻlib ishlagan, xususan, balandlikka sakrash boʻyicha Osiyo oʻyinlari chempioni Svetlana Munkovani murabbiyi boʻlgan. 1995-yildan Samaradagi Harbiy havo kuchlari markaziy sport klubida yengil atletika boʻyicha bosh murabbiy, 2002–2009-yillarda mahalliy „CSK VVS“ basketbol klubida jismoniy tayyorgarlik boʻyicha murabbiy boʻlib ishladi. 2010-yilda „Ximki“ basketbol klubining jismoniy tarbiya boʻyicha murabbiyi boʻldi[1]. Hozir „Samara“ basketbol klubida jismoniy tarbiya murabbiyi boʻlib ishlamoqda[2].
Mukofotlari[tahrir | manbasini tahrirlash]
- „Rossiyada xizmat koʻrsatgan murabbiy“ unvoni[3].
Manbalar[tahrir | manbasini tahrirlash]
- ↑ „Владимир Черников пополнил тренерский штаб БК «Химки»“. БК «Химки» (2010-yil 21-dekabr). Qaraldi: 2022-yil 3-noyabr.
- ↑ „Черников Владимир Львович“. БК «Самара». Qaraldi: 2022-yil 3-noyabr.
- ↑ „Зарядка от чемпиона. Владимир Черников“. БК «Самара». Qaraldi: 2022-yil 3-noyabr.