Bobomurod Nurillayev

Bobomurod Najmiddinovich Nurillayev
Tavalludi	10-may 1964-yil (1964-05-10) Nurota tumani, Navoiy viloyati, Oʻzbekiston SSR
Fuqaroligi	Oʻzbekiston
Kasbi	fizik olim
Sohasi	fizika
Taʼlimi	Toshkent davlat pedagogika instituti
Ilmiy darajasi	pedagogika fanlari nomzodi
Ilmiy unvoni	dotsent

Bobomurod Najmiddinovich Nurillayev (1964-yil 10-may, Nurota tumani, Navoiy viloyati, Oʻzbekiston SSR) — oʻzbekistonlik olim, pedagogika fanlari nomzodi, dotsent, professor vazifasini bajaruvchi.

Biografiyasi

Bobomurod Nurillayev 1964-yil 10-may Nurota tumanidagi Papanay qishlogʻida chorvador oilasida tugʻilgan. 1986-yilda Toshkent davlat pedagogika instituti fizika fakultetini fizika va astronomiya oʻqituvchisi ixtisosligi boʻyicha bitirgan. Ilk mehnat faoliyatini oʻzi oʻqigan Nurota tumanidagi 9-oʻrta maktabda oʻqituvchilikdan boshlagan. 1990—2017-yillardada Toshkent davlat pedagogika instituti „Umumiy va eksperimental fizika“ kafedrasi oʻqituvchisi, fizika-matematika fakulteti maʼnaviy-maʼrifiy ishlar boʻyicha dekan oʻrinbosari, oʻquv ishlar boʻyicha dekan oʻrinbosari, Toshkent davlat pedagogika universiteti birlashgan kasaba uyushmasi talabalar bilan ishlash boʻyicha rais oʻrinbosari, fizika va astronomiya oʻqitish metodikasi kafedrasi mudiri lavozimida ishlagan. Hozirgi kunda Nizomiy nomidagi Toshkent davlat pedagogika universiteti Fizika va uni oʻqitish metodikasi kafedrasida professor vazifasini bajaruvchi.

Ilmiy faoliyati

Bobomurod Nurillayev 2007-yil „Umumiy fizika praktikumlarida boʻlajak oʻqituvchilarning eksperimental koʻnikmalarini shakllantirishning didaktik asoslari“ mavzusida nomzodlik dissertatsiyasini himoya qilib, pedagogika fanlari nomzodi ilmiy darajasini olgan. 6 ta o‘quv qo‘llanma va 8 ta metodik qo‘llanmalar muallifi. 2019-yilda dotsent ilmiy unvoni berilgan.