Yulduz Turdiyeva
Yulduz Turdiyeva (1985-yilning 10-avgustida Buxoro viloyatida tugʻilgan) — oʻzbekistonlik qoʻshiqchi. 2008-yilda Oʻzbekiston davlat konservatoriyasini tamomlagan. 2007-yilda turmush qurgan va hozirda ikki nafar farzandi bor. 2010-yil „Nihol“ mukofotiga sazovor boʻlgan xonandaning ilk musiqiy albomi 2011-yil sotuvga chiqqan. Bundan tashqari, 2004-yilda Yalta shahrida oʻtkazilgan „Beshinchi xalqaro yoshlar festivali“da „Eng yaxshi ovoz sohibasi“ mukofotini, 2009-yil Ozarbayjonda oʻtkazilgan Baynalxalq mugʻom festivali birinchi mukofotini qoʻlga kiritgan. Oʻzbekistonda xizmat koʻrsatgan artist[1].
Hayot yoʻli[tahrir | manbasini tahrirlash]
Ohang dillarga xushnudlik va zavq ulashuvchi neʼmat, ohang koʻngillarga yoʻl topaoluvchi nola, yurak dardi, qalb qoʻri qoʻshib kuylanayotgan tarona, shubhasizki dil xazinasiga aylanadi. Ana shunday yoqimli va eshitimli taronalar ijrochisi oʻzbekona ohanglar kuychisi Oʻzbekiston Respublikasida xizmat koʻrsatgan artist Yulduz Turdiyeva bugungi maqolamiz sababchisi.
Azim Buxoroning erka qizi Yulduz Turdiyeva 2003-yil yosh maqomchilar Respublika koʻrik tanlovida birinchi oʻringa sazovor boʻlgan. 2004-yilda Yalta shahrida oʻtkazilgan xalqaro yoshlar festivalida eng goʻzal ovoz sohibasi nominatsiyasini qoʻlga kiritgan, maqom ashulalariga boʻlgan muhabbat uni izlanishga, katta sanʼatni puxta egallashga undadi.
Ustozlari Raxmatullo Inoyatov, Maxmudjon Tojiboyev, Muxabbat Solixova, Munojat Yoʻlchiyevadan shashmaqom sirlarini oʻrgandi. Mehnat qilish va izlanishdan charchamaydigan shirinnafas hofiza 2010-yil „Nihol“ mukofoti sovrindori boʻlgan. 2014-yil Oʻzbekistonda xizmat koʻrsatgan artist unvoniga sazovor boʻlgan[2].
Qoʻshiqlari[tahrir | manbasini tahrirlash]
- Ona men keldim degin
- Yulduz Turdiyeva va OtabekYusupov — Rashkim yomon
- Shamol
- Kelma
- Libli Umriya
- Dilbaram Dilbar
- Muhabbat (arabcha)
- Oʻzgancha tanovar
- Ishq Ayladi
- Nahori Nashta
- Fargʻona tong otguncha
- Chaman
- Bogʻimbor
- Kelgin Bahorim
- Yomgʻir
- Qoshlariqaro
- Istayiram Guramsani
- Qoʻymaslar
- Naylayin
- Bolajonlar
- Qaydabor
- Taramgʻi
- Yolgʻizimsan
- Shukrona
- Navoderlar
- Ketaveryorim
- Vatan
- Dardu dilingman
va boshqalardir[3].
Havolalar[tahrir | manbasini tahrirlash]
Oʻzbekistonda xizmat koʻrsatgan artist, maqom va milliy estrada yoʻnalishlarida ijod qiluvchi xonanda Yulduz Turdiyeva bilan „Kunutun“ nashri suhbat uyushtirdi. Xonanda baʼzi yosh estrada xonandalari haqida oʻz fikrini bildirdi. Eʼtiboringizga ushbu intervyuni havola etamiz.
- intervyuni koʻrish uchun bosing
- Yulduz Turdiyeva YouTube kanali
- Yulduz Turdiyeva Instagram kanali
- Yulduz Turdiyeva qoʻshiqlarini yuklash (Android)uchun
Manbalar[tahrir | manbasini tahrirlash]
- ↑ Qisqa malumot
- ↑ Turdiyeva, Yulduz „Yulduz Turdiyeva - yuraklarni larzaga soluvchi ovoz sohibasi.“. oq-ayiq.net. Qaraldi: 17-iyun 2022-yil.
- ↑ Turdiyeva, Yulduz „Yulduz Turdiyeva mp3 formatidagi qo'shiqlari bilan tanishib chiqing“. oq-ayiq.net. Qaraldi: 17-iyun 2022-yil.