Yayra Abdullayeva

Yayra Umarovna Abdullayeva
Tavalludi	14-avgust 1930-yil(1930-08-14) Andijon
Vafoti	14-may 2019-yil(2019-05-14) (88 yoshda) Toshkent
Mukofotlari

Yayra Umarovna Abdullayeva (1930.14.8, 2019.14.5) – Oʻzbekiston xalq artisti (1964). Lizaxonim Petrosovaning qizi. Toshkent sanʼat institutini tugatgan (1950). Ijodi Gavhar Rahimova rahbarligidagi front konsert brigadasida boshlangan (1945). 1950-yildan Hamza teatrida. Hafiza (A. Qahhor, "Shohi soʻzana"), Guli (Uygʻun, I. Sulton, "Alisher Navoiy"), Katerina (A. Ostrovskiy, "Momaqaldiroq"), Gulbahor (Hamza, "Boy ila xizmatchi"), Gulnor (Oybek, "Qutlugʻ qon"), Turgʻunoy (I. Sulton, "Noma’lum kishi"), Xemnolini (R. Tagor asari asosida, "Gang daryosining qizi") kabi obrazlarida turli toifadagi xotin-qizlar hayoti, ularning qismati, jasorati va olijanobligini mujassam-lantirdi. Key (M. Kaoru, "Oʻgʻirlangan umr") obrazi Abdullayeva ijodining choʻqqisi boʻlib, u yapon ayolining mashaqqatli hayot yoʻlini, taqdirini psixologik teranlik va izchillik bilan ochib berdi. Regana (U. Shekspir, "Qirol Lir"), Mariya Styuart (F. Shiller, "Mariya Styuart") obrazlari bilan psixologik va fojiaviy rollar 1ustasi sifatida tanildi. Abdullayeva ovoz, imo-ishora, kinoya va boshqalar ifoda vositalaridan ustalik bilan foydalanadi. Nodirabegim (T. Toʻla, "Nodirabegim") obrazi Abdullayeva ijrosida ulugʻvor, olijanob malika va otashin ijodkor sifatida namoyon boʻldi. Abdullayevaning kinodagi asosiy rollari: Gulbahor ("Boy ila xizmatchi"), Dildor ("Opa-singil Rahmonovalar"), Ra’no ("Stadionda uchrashamiz"), Saodat ("Hamza"), Xatira ("Vijdon amri bilan") va boshqalar Hamza nomidagi Oʻzbekiston Davlat mukofoti laureati (1967). "Doʻstlik" ordeni bilan taqdirlangan (1998).