Yassi (shahar)

Vikipediya, ochiq ensiklopediya

Yassi — Ruminiyaning shim.sharqiy qismidagi shahar, Baxluy daryosi boʻyida. Yassi judetsining maʼmuriy markazi. Aholisi 348,1 ming kishi (1998). Transport yoʻllarining yirik chorrahasi. Ruminiya sharqining muhim iqtisodiy va madaniy markazi. Qora metallurgiya, mashinasozlik (xususan, ogʻir mashinasozlik, radioelektronika, stanoksozlik) sanoatlari rivojlangan. Kimyo sanoatining (plastmassa, sintetik tola, antibiotiklar ishlab chiqarish) yirik korxonalari mavjud. Mebel, toʻqimachilik, tikuvchilik, koʻnpoyabzal, oziq-ovqat sanoati korxonalari ishlab turibdi. universitet (1860), FA filiali, badiiy, etnografiya muzeylari, teatrlar bor. Shahar 1395 yildan Aspazar nomi bilan maʼlum, 1408 yildan Ya. nomi bilan ataladi. Meʼmoriy yodgorliklardan cherkov (15—17-asrlar) va monastirlar saqlangan.