Xogart Uilyam

Vikipediya, ochiq ensiklopediya
Jump to navigation Jump to search

XOGART (Hogarth) Uilyam (1697.10.11 — London — 1764.25.10) — ingliz rangtasvir ustasi, grafik rassomi va sanʼat nazariyotchisi. Londondagi J. Tornxill akademiyasida taʼlim olgan. 1743 va 1748 yillarda Fransiyada boʻlgan. X. asarlari demokratik ruhi, oʻta hayotiy tavsifi, realistik usuli bilan ajralib turadi ("Kapitan T. Korem", 1740; "Avtoportret", 1745; "Qiz qisqichbaqalar bilan" va boshqalar). Biroq X.ga ingliz hayotidagi nuqsonlarni fosh etuvchi Yevropa maʼrifatparvarligi ruhidagi hajviy kartinalari va gravyuralari shuhrat keltirdi ("Urf boʻlgan nikoh" gravyuralari, 1743—45; "Jin tor koʻchasi" va "Pivo koʻchasi" gravyuralari, 1751; "Saylovlar", taxminan 1754 va boshqalar). X. "Goʻzallik taxlili" nazariy risolasida hayotni uning oʻziga xos koʻrinishida bera oladigan asimmetrik, differensial shakllarni dalil qoʻllashga undaydi; uning gʻoya va asarlari 18-asr Yevropa madaniyatiga kuchli taʼsir koʻrsatgan (Angliyada — L. Stern, Germaniyada — E. Lessing , G.K.Lixtenberg va boshqalar).