Voyevodina

Vikipediya, ochiq ensiklopediya

Voyevodina—Yugoslaviyada, Serbiya Respublikasi tarkibidagi muxtor oʻlka. Mayd. 21,5 ming km2. Aholisi 2 mln. kishidan ziyod (1990-y.lar oʻrtalari). Maʼmuriy markazi — Novi-Sad. Iqlimi moʻʼtadil, kontinental. Iyulning oʻrtacha t-rasi 22—24°, yanvarniki 1,2 — 2,6°. Yillik yogʻin 550–750 mm. Yirik daryolari: Dunay, Tisa, Tamish.

V. da 6-a.da slavyanlar, 9-a. oxirida vengerlar yashagan. 10-a.dan Vengriya qirolligi tarkibiga kirgan, 1526— 1918 y.larda V. hududi Gabsburglar monarxiyasi qoʻli ostida, 1918 y.dan Serb, xorvat va slovenlar qirolligi (1929 y.dan Yugoslaviya) tarkibida. 1945 — 63 y.lar muxtor viloyat, 1963 y.dan muxtor oʻlka.

V. — Serbiyaning xoʻjaligi eng rivojlangan qismi. Q. x. bogʻdorchilik va tokchilik, goʻsht-sut chorvachiligiga ixtisoslashgan. Sanoati mahalliy xom ashyoga asoslangan. V. ning sharqiy qismida neft va gaz chiqariladi. Toʻqimachilik, mashinasozlik, kimyo, elektrotexnika, sellyuloza-qogʻoz, sement, oziq-ovqat sanoati rivojlangan.

Adabiyotlar[tahrir]

  • OʻzME. Birinchi jild. Toshkent, 2000-yil