Virginiya orollari

Vikipediya, ochiq ensiklopediya

Virginiya orollari - VestIndiyadagi (100 ga yaqin) mayda orollar. Buyuk Britaniya (mayd. 153,4 km2, axoliyey 13 ming kishi, 1987; maʼmuriy markazi — RodTaun sh.) va AQSH (mayd. 355 km2, aholisi 104 ming kishi, 1993; maʼmuriy markazi — Sharlotta-Amaliya sh.) mulki. Aholisi negr va mulatlar. V. o. neogen davri ohaktoshlaridan tuzilgan, relefi tekislik. V. o.da togʻ hosil boʻlish jarayoni davom etmoqda. Eng baland joyi 543 m. Iqlimi issiq va nam tropik iqlim. Yillik yogʻin 1200 mm. Tez-tez boʻron boʻlib turadi. Doim yashil oʻrmonlar bor. Aholi shakarqamish oʻstirish, sabzavotchilik, chorvachilik bilan shugʻullanadi. Neftni qayta ishlovchi, alyuminiy, soat, rom, shakarqand i. ch. korxonalari bor. Chetga shakarqand, rom, sitrus mevalari va chorva mollari chikariladi. Turizm rivojlangan. V.o.ni 1493 y.da X. Kolumb kashf etgan.

Adabiyotlar[tahrir]

  • OʻzME. Birinchi jild. Toshkent, 2000-yil