Vikipediya:WikiStipendiya III marafoni/Paramarafon
| BOSH SAHIFA | TELEGRAM | YOUTUBE |
|
| ASOSIY | QOIDALAR BAHOLASH TARTIBI |
PREMARAFON | ASOSIY MARAFON | PARAMARAFON | GRAND FINAL | WIKINATIONS | STATISTIKA | KSS | NATIJA |
Paramarafon – nogironligi boʻlgan ishtirokchilar oʻrtasida asosiy marafonga parallel ravishda tashkil etiluvchi individual marafon.
Premarafon bosqichida nogironligi boʻlgan shaxslar bilan ishlovchi tashkilotlar bilan uchrashuvlar tashkil qilinib, loyihani mazkur qatlam orasida ommalashtirish boʻyicha hamkorlik yoʻlga qoʻyiladi.
Paramarafon 2024-yil 1-iyundan 30-noyabrga qadar davom etib, marafon davomida eng yaxshi natija koʻrsatgan 3 nafar ishtirokchi taqdirlanadi.
Qoidalar[manbasini tahrirlash]
- Marafonga Vikipediyada roʻyxatdan oʻtgan har bir foydalanuvchi qatnasha oladi;
- Marafonga quyidagi talablarga javob beradigan maqolalar qabul qilinadi:
- Maqola nomzod tomonidan yozilishi lozim;
- Maqola kamida 200 ta soʻzdan iborat boʻlishi shart;
- Maqola mavzusi ensiklopedik ahamiyatga ega boʻlishi shart;
- Maqolada kamida 2 ta nufuzli manba boʻlishi shart;
- Maqolada avtomatik tarjima qilingan matn (Google Translate, Yandex Translate va hokazo) boʻlmasligi shart;
- Maqolada „original tadqiqot“, „betaraflik“, „manbasiz maqola“, „xatolar“, „wikify“ va boshqa tanqidiy andozalar boʻlmasligi shart;
- Maqola roʻyxat shaklida boʻlmasligi shart;
- Maqola mazmunli boʻlishi shart.
* Yaratgan maqolangizni Fountainga kiritishdan oldin, yuqoridagi talablarga mos kelishini tekshirib chiqing. Marafon qoidalariga mos kelmaydigan, lekin Fountainga kiritilgan maqola hakamlar tomonidan maʼqullanmaydi va 0 ball bilan baholanadi.
Baholash tartibi[manbasini tahrirlash]
- Hakamlar tomonidan faqat Fountainga kiritilgan maqolalargina baholanadi.
- Hakamlar, tashkilotchilar, sobiq hamda amaldagi administratorlar tomonidan yaratilgan va Fountainga kiritilmagan maqolalar 0 ballga baholanadi.
- Marafon talablariga javob beradigan har bir tanlov maqolasi 1 ball bilan baholanadi.
- Hakamlar maqola sifatini hisobga olib, ulardan har birini qoʻshimcha ball bilan taqdirlash huquqiga ega:
- Mustaqil yaratilgan, nufuzli manba hamda adabiyotlarga tayangan maqolalar (masalan, boshqa vikilardan butunligicha yoki qisman tarjima qilingan va qoʻshimcha maʼlumot kiritilmagan maqolalar mustaqil yaratilgan hisoblanmaydi);
- Murakkab uslubda rasmiylashtirilgan maqolalar (toʻgʻri ishlatilgan andoza, nufuzli manbalar va adabiyotlar, toʻgʻri hamda mos tanlangan turkumlar, Vikimaʼlumotlar bandi, suratlar va umuman ularning murakkab kombinatsiyasini hisobga olgan holda);
- Maqola mavzusiga bogʻliq matnning katta hajmi uchun;
- Agar uslubiy, orfografik xatolar, tarjimaning yomonligi va jiddiy qayta koʻrib chiqish/qayta koʻrib chiqishni talab qiladigan boshqa kamchiliklar mavjud boʻlsa, bu kabi maqolalardan hakamlar hay’ati 1 ball olib tashlash huquqiga ega.